A Festa do Socio que organiza todos os anos o Centro Cultural A Merced de Chaín propón unha das carteleiras máis sedutoras cara a próxima fin de semana. A noite do sábado inaugura o programa cunha actuación da compañía FULANO, MENGANGO E CITANO. O domingo pola mañá terá lugar unha comida de fraternidade amenizada polo Coro da Unión Musical de Vincios. Na noitiña, dúas sesións de contacontos coa artista Paula Carballeira. A primeira para todo público no local do centro e xa con noite de lúa chea, unha experiencia para adultos cos “Contos de medo no pantano de Chaín”.
Sábado: “Viva a crise”
O sábado día 12, ás 10 da noite a compañía de teatro FULANO, MENGANO E CITANO presenta a obra "Viva a crise", humor en pequenas pezas inconexas que teñen a crise económica como fío condutor
Domingo na mañá: Música e xantar.
O domingo dia 13, ás 12 da mañá actuación do Coro da Unión Musical de Vincios e a partir das 13 horas, comida de confraternidade.
Domingo na noitiña: Dúas sesións de contacontos con Paula Carballeira
Pola notiña a actriz Paula Carballeira visitará o Centro Cultural de Chaín dando conta das súas fantásticas dotes narrativas nun contacontos moi especial. O contacontos en Chaín terá lugar en dúas sesións: a primeira ás 20:00 no auditorio do Centro Cultural, para tódolos públicos e a segunda sesión ás 22.30 no pantano de Chaín: Contos de medo, recomendado para adultos.
Contos de terror no pantano de Chaín
O camiño ó pantano estará indicado dende o Centro Cultural, se partirá andando ás 21:45. A organización aconsella levar calzado e roupa cómodos e lanterna para o camiño de volta. As persoas con mobilidade reducida, exclusivamente, disporán de desprazamento. A organización aconsella, no caso de ter que levar o coche, deixalo no campo de fútbol. Por motivos de seguridade e para procurar manter o silencio da noite, non se permitirá o acceso de coches ó pantano