O guitarrista nigranés Felipe Villar presenta o seu primeiro disco coma lider, "Home" en Nigrán, a vila que o veu medrar. O disco, totalmente autoproducido gravouse no estudio da sua casa en formato de trío, acompañado de Jose Manuel Díaz no contrabaixo e Max Gómez na batería.
A cita, este venres 20 de xuño ás 20:30h no Auditorio do novo edificio do concello de Nigrán
Entrada gratuíta
Felipe Villar (Nigrán, 1976), comeza na música estudando guitarra clásica no conservatorio, que o cabo dos anos abandoará por diverxencias estilísticas.
Despois dun longo periplo autodidacta polos terreos do Blues e do Funk interésase polo Jazz. Obten a sua licenciatura en Jazz pola ESMAE (Oporto) no ano 2011, aínda que comezou nisto do jazz da man doSeminario Permanente de Jazz de Pontevedra e da Estudio Escola de Música con profesores coma Abe Rabade, Paco Charlín ou Suso Atanes. Recibiu clases tamén de xente coma Nuno Ferreira, Jordi Rossy, Peter Bernstein, Michael Kanan, Jonathan Kreisberg, Lage Lund, Walter Smith, Marcus Strickland, Mike Moreno, Aaron Goldberg, Jonathan Blake, Dave Liebman, Gilad Heckselman ou Greg Ruggiero entre os destacados dunha lista interminable.
Participa ou ten participado en bandas coma, Alberto Vilas Quinteto, Rua da Alegría, Proxecto Lusogalaico, Esmae Big Band, Javier Marcos Trío, Jazzología, Antonio Otero Quartet, The Groove Project, Ten Jazz Men.... Ademais lidera o seu propio trío e cuarteto. Ten participado nos principias festivais e locais de Jazz de Galicia, España e Portugal; Festival de Jazz de Pontevedra, Festival de Jazz de Lugo, Nigranjazz, Imaxina Sons, Casa da Música (Porto), Xancarajazz, Filloa, Clavicembalo, Dado Dada...
Co seu trío ven de gravar en Xaneiro de 2014 o seu primeiro disco coma lider: "Home", acompañado por Max Gómez na batería e Jose Manuel Díaz no contrabaixo. Un disco que ante todo pretende ser moi honesto, grabado en directo no estudio da sua casa, e que pretende achegarse ao sonido de dous dos seus grandes heroes: Jim Hall e Peter Bernstein.
A súa discografía comeza alá polo ano 2000 cun disco funk da banda viguesa Travel Hats. En 2011 gravou o primeiro disco do quinteto do pianista galego Alberto Vilas: "Experianza", publicado pola discográfica galega Azos Jazz. En 2012 gravou en Oporto o primeiro disco do septeto hispano-portugués Rua da Alegría: "501", como premio ao mellor combo de Jazz na festa do Jazz de Sao Luis 2011(Lisboa), con algúns dos novos valores do jazz galego e portugués. No 2013 gravou o segundo disco co Alberto Vilas Quinteto "Crónica Cromática".
A sua vida está plenamente ligada ó jazz. É coordinador e profesor da Escola de Jazz e Música Moderna Mayeusis/Taller de Musics en Vigo, é o organizador do Festival Nigranjazz, e tamén é o programador das Jam Sessions de La Casa de Arriba en Vigo.
Bigman, o tema adicado á memoria de Quin Alborés, deseñador e un dos impulsores do Festival de Jazz de Nigrán, que agora leva o seu nome.
Dim lights Embed Embed this video on your site
