O martes 3 de xuño, ás 20:00h, na Biblioteca de Gondomar, remata a tempada 2013-2014 do Sete Vidas cun libro de Anxos Sumai, autora que ten un significado especial para este club de lectura porque cunha obra súa, en novembro de 2008, comezou esta viaxe pola lectura e a amizade no Sete vidas, club de lectura de narrativa da asociación Espazo Lectura de Gondomar.
Daquela a lectura inaugural fora Así nacen as baleas, nesta ocasión Anxos Sumai estará na biblioteca a partir das nove da tarde para falar da súa novela A lúa da colleita cos lectores e lectoras da súa obra que queiran acudir.
