A Asociación de Mulleres Rurais San Benito de Gondomar presentará a súa nova directiva nun acto a desenvolverse na Casa da Cultura de Gondomar (Rúa Portugal, nº2, 2ª andar), este venres 15 de xuño a partir das 20 horas. Esta organización presidida por Yolanda Santos López é unha asociación sen ánimo de lucro que ten como fins "a defensa dos intereses sociais e culturais das asociadas, a mellora do seu medio de vida e promoción das familias do medio rural dende as súas actividades como agricultoras, amas de casa e nais de familia".
Ao final do acto terá lugar un "vino español". Por máis información pode consultarse o perfil na rede Facebook da asociación.
