Axenda
O ciclo Cinema na Rúa en Gondomar ofrecerá este luns 10 de agosto unha proxección para todo público no en Morgadáns. A función dará comezo ás 22:30 horas coa proxección do filme de animación arxentino "Futbolín" (2013), dirixida por Juan José Campanella
Axenda
Pase nocturno do filme animado “Futbolín” en Morgadáns
Tradi Són presenta en #Gondomar o disco “Olvidáchesme por pobre”•
Hoxe continúa o ciclo das "Noites da Alameda" organizado pola Concellaría de Cultura de Gondomar coa presentación do disco "Olvidáchesme por pobre" do Grupo Tradi Són.
O espectáculo dará comezo ás 22.00 horas.
Parada do Miñor organiza unha andaina polo “camiño do terror” nos montes da parroquia.
O Centro Cultural Parada do Miñor organiza a súa primeira andaina, que leva por título "O Camiño do Terror". Sairá o sábado 22 de agosto do Campo de futbito de Parada ás 22:30 horas. Está aberta a inscrición para participar.
Concerto acústico de Cosade2 con clásicos do pop-rock ás beiras do areal de Patos #Nigrán.
Cosade2 ofrecerá unha sedutora mestura de sons con versións propias de temas clásicos de bandas como The Beatles, Credence, Leo Sayer, U2, Queen, ou solistas como Miguel Rios, e Luz Casal entre outros. A cita é este sábado 8 de agosto ás 22:30 horas na terraza do Sunset Bar Patos con entrada de balde.
Couso celebrará a XII festa gastronómica “As delicias do Porco”
Zorza, lacón e orella serán a gran oferta para este domingo na XII Festa Gastronómica do Porco na parroquia de Couso.
A banda de gaitas Novos Aires de Couso será a encargada de organizar a XII Festa Gastronómica do Porco, na parroquia de Couso. O grupo, que animará o encontro, anuncia unha exquisita variedade de tapas que serán ofrecidas aos veciños e visitantes que o vindeiro domingo 9 de agosto achéguense ao torreiro de festas da Virxe dos Remedios.
O IEM abre inscricións para participar da Xeira Marítima Baiona – Illas Cíes .
O Instituto de Estudos Miñoranos convoca á segunda Xeira Marítima do verán. Neta ocasión a proposta é partir dende o porto de Baiona, atravesar as Illas Estelas, bordear Monteferro e poñer proa cara ás Illas Cíes. O arqueólogo Xosé Lois Vilar acompañará a navegación cunha abundante información desta zona xeográfica así como das diversas culturas que a habitan. A viaxe brinda a oportunidade de gozas dende a nave das fermosas vistas que ofrecen as costas de Vigo e o Val Miñor no lusco fusco.
O Concello de #Nigrán organiza unha noite de observación das Perseidas no Castro de Chandebrito.
O Concello de Nigrán a través da Fundación Ceo, Ciencia e Cultura organiza unha noite de observación das Perseidas, para o martes 11 de agosto ás 22:30 horas. A choiva de meteoros será vista dende o Castro de Chandebrito e será guiada por Ricardo Lago, membro desta fundación xestora do Observatorio Astronómico de Forcarei.
Inauguración da exposición conxunta de Víctor Lorenzo e Gabi Carrera en #Sabarís #Baiona
A partir deste xoves 7 de agosto poderá visitarse a mostra de arte dos creadores Víctor Lorenzo e Gabi Carrera. Instalada no Mercado de la Tía Ni, a exposición estará aberta até o vindeiro 30 de agosto.
La Fiesta Escénica instala a carpa de Cirkus Life! no Monte Lourido co espectáculo “Viaje Submarino”.
No seu vinte aniversario La Fiesta Escénica instálase a carón do campo de fútbol do Monte Lourido para ofrecer "Viaje Submarino". Espectáculo que mestura circo e teatro e pretende levar aos espectadores "ás profundidades dun océano cheo de maxia e colorido". As funcións terán lugar ás 20 horas de xoves a domingos.
JPAGE_CURRENT_OF_TOTAL
