Na reunión, o profesor Zhu Lun, mostrouse agradecido polo trato recibido na nosa vila, e moi contento pola sua estancia en Baiona que durará tres meses.
Zhu Lun está realizando un estudio comparativo das minorías e busca modelos de convivencia entre elas.
Durante a reunión se fixo entrega de varios detalles por ambalas dúas partes, recibindo o Alcalde de Baiona un pergamino chino pintado a man.
Zhu lun é investigador catedrático do Instituto de Etnoloxía e Antropoloxía , IEA, Academia de Ciencias Sociais de China.
O profesor é Investigador visitante na Universidade Autónoma de Barcelona e Madrid e a nivel internacional no Insituto Nacional Indigenista de México. Asimesmo, realizou traballos de campo en distintas zonas de China, como Mongolia e Yunnan.
Foi ademais Xefe do Departamento Exterior de IEA, CASS, e Xefe do Centro de Estudios de España, o Instituto de Estudios Europeos, CASS, membro da Comisión académica de IEA, CASS, e da Comisión dos Expertos do Fondo Nacional de Investigación das Ciencias Sociais de China, Vicepresidente e secretario xeral da revista " World Ethno-national Study", Vicepresidente e secretario xeral da Asociación de Estudios das Nacionalidades munidiais de China, Vicepresidente da Asociación das Teorias Nacionalistas de China, Membro do Consello Executivo da Asociación de Etnólogos de China e Titular do Diploma de Premio Gubernamental, concedido polo Consello Nacional de R.P. de China.
Tamén realizou diversas obras e tesis, entre elas, Introducción as Nacionalidades en China, Sobre os Dereitos Políticos dos Indíxenas en México e breve presentación sobre a Lexislación das Autonomías en España.
Asimesmo, realizou diversas traduccions do español ó Chino.
O vindeiro xoves día 3 de novembro ás 20 horas na Biblioteca Pública Municipal de Baiona, o profesor Zhu Lun será entrevistado por Victor Iglesias Viqueira (Faro de Vigo), Pedro Telmo (www.valminor.info) e Anxo Quintela (www.vieiros.com). O acto está organizado polo IGADI e Casa Asia e será presentado e moderado por Xulio Rios e ó que asistirá o Alcalde, Jesús Vázquez Almuiña.