Calendario de actividades lúdico-deportivas - Verán 2012 no concello de Baiona.
O Concello de Baiona a través da concellaría de Deportes e Actividades Marítimas, presentou o calendario de actividades de lúdico-deportivas que para o presente verán do 2012, ten previsto desenvolver para veciños e visitantes da Real Vila. As actividades a desenvolver caracterízanse pola diversidade das mesmas, así como, de ofrecer alternativas de lecer e deporte para todas as idades e sexos.
Xa está aberto o prazo de inscrición para as distintas escolas deportiva deste presente verán: Pesca infantil e Actividades Náuticas. Disponse de información dos variados torneos deportivos que se desenvolven este verán: fútbol sala, baloncesto 3x3, voley praia 4x4, pas praia, campus multideportivos (baloncesto, deportes de combate, fútbol e balonmán), carreira pedestre, regata de gamelas e as novidades do programa con eventos populares como a travesía a nado e o tríatlon popular.
Os Campus deportivos de verán que este ano se ofertan nun total de nove, amosan variadas disciplinas como baloncesto, deportes olímpicos de combate (judo, taekwondo e loita), fútbol, multideporte, ximnasia rítmica, aerobic, bádminton, tenis, fútbol e fútbol sala. Todos eles en colaboración cos clubs deportivos locais (Club baloncesto Baiona, Club de loita Sabaris, Erizana CF, Club de Tenis Baiona, Escolas deportivas municipais e Baitra F.Sala).
Para inscricións e maior información dirixirse ao Pavillón de Deportes ou no teléfono de 986 356 558, tamén se dispón de correo electrónico deportesbaiona.org
