A Garda Civil detivo en Baiona a un mozo como presunto suposto autor dun delito de tráfico de drogas, tras ser perseguido por axentes por rúas da localidade.
Dentro do marco das actuacións para erradicar a venda e distribución de sustancias estupefacientes a pequena escala, na tarde do xoves axentes da área de Investigación do Posto Principal da Garda Civil de Baiona-Nigrán detiveron a F.P.G., de 25 anos e veciño do lugar como presunto autor dun delito contra a saúde pública -tráfico de estupefacientes- e outro de atentado e desobediencia a axente da autoridade.
Segundo informou o Instituto Armado, os feitos sucederon cando o detido, ao decatarse da presenza dos axentes, iniciou unha fuxida a pé polo casco antigo da localidade, facendo caso omiso ás indicacións de alto, pero foi interceptado pouco despois.
Momentos antes de ser interceptado arroxou a unhas leiras uns obxectos que resultaron ser planchas de hachís que foron localizadas máis tarde, logo de facer un rexistro da zona. Os vultos arroxaron un peso de 500 gramos.
O detido que, no momento da súa detención causou lesións leves a un dos gardas, será posto este sábado a disposición do Xulgado de Instrución Número 4 de Vigo.