Venres, 29 Mar. 2024

Actualizado10:50:26 PM GMT

Estás en Baiona Ingresan sete novos auxiliares na Policía Local de Baiona para cubrir os servizos do Verán.

Ingresan sete novos auxiliares na Policía Local de Baiona para cubrir os servizos do Verán.

Correo-e Imprimir PDF
auxiliares-policia-006

Sete novos axentes engrosan as filas da Policía Local de Baiona. Con estes, o concello contará con 21 efectivos de cara á tempada do verán onde a poboación da vila medra de forma importante. Os novos ingresos contan con experiencia no cumprimento destas funcións tanto en Baiona como noutros municipios, ademais de preparación académica adecuada, informan dende o Concello.

Esta mañá o alcalde de Baiona, Jesús Vázquez Almuiña deulles a benvida aos recentemente incorporados e recordoulles que "a súa prioridade debe ser en todo momento o servizo á cidadanía e a prestación de axuda, deixando os labores coactivas ou sancionadoras no seu segundo plano".

O alcalde opinou que débese ter en conta que a Policía Local, por ser a máis próxima á cidadanía, é a primeira en actuar en caso de accidentes ou sinistros de calquera outra índole. Tamén son os primeiros en acudir cando o cidadán reclama a atención dos servizos de urxencia ou cando se rexistra calquera tipo de denuncia. A isto hai que engadir a vixilancia de tráfico, o mantemento de orde pública, velar polo coidado e seguridade dos escolares á entrada e saída de colexios, os conflitos veciñais, ou a resolución dunha infinidade de asuntos para os que son requiridos.