Quince baioneses con algún tipo de discapacidade reciben cursos de inserción laboral.
Quince baioneses con algún tipo de discapacidade participan dun cursos de inserción laboral impartido por persoal da Confederación Galega de Persoas con Discapacidade (C OGAMI). A iniciativa do Concello de Baiona a través da Concellería de Benestar Social está subvencionada pola propia administración cun fondo procedente do premio Carmen Ferro concedido en decembro pasado pola Deputación de Pontevedra a instancias deste proxecto que concursou con outros de tódala provincia.
Os cursos comezaron esta semana e van ata o próximo mes de marzo. Inclúen clases de formación que permitirá a estas persoas acceder ao mundo laboral como controladores de aparcadoiros, recepcionistas ou porteiros entre outros.
As clases impártense no Centro Antena de Sabarís no horario de 9:30 a 13:30 hora. O proxecto formativo alcanza as 200 horas lectivas. Os participantes recibirán clases de informática entre outras disciplinas.
