O Xornal do Val Miñor. Baiona, Nigrán, Gondomar

O goberno local de Baiona decidiu facer de dobre sentido de circulación rúa Conde para facilitar a saída do casco aos residentes da área de Fonte de Zeta. Os veciños desta zona criticaron que o acceso de Herminio Ramos fose só de entrada, o que lles obrigaba a atravesar cos seus vehículos a avenida Ventura Misa para poder saír da zona antiga. A nova medida que entrará hoxe en vigor permitiralles evitar esta rúa e chegar ao centro urbano a través da rúa Conde e adxacentes.