Preto de 200 escolares participarán nos obradoiros de prevención de violencia de Xénero
O centro de información á muller en colaboración cos centros educativos municipais de educación secundaria, pon en marcha diversos obradoiros para a prevención da violencia de xénero, que se desenvolverán ao longo do mes de maio. Esta actividade vai dirixida a todo o alumnado do segundo ciclo da ESO ( aproximadamente 200 adolescentes) do CPI Covaterreña e do IES Primeiro de Marzo.
O obxectivo é traballar os estereotipos e roles sexistas transmitidos no proceso de aprendizaxe social. Tratase de dotar ao alumnado das ferramentas básicas para detectar e previr esta violencia así como fomentar unhas relacións equitativas e igualitarias
Estas actuacións enmárcanse no II Plan Municipal de Igualdade entre Mulleres e Homes de Baiona 2008-.2010
