Unha parada de autobús perto de Povisa
O grupo de goberno do Concello de Baiona aprobará no vindeiro Pleno do día 27 de xullo unha moción pola que se pide a creación dunha nova parada no Concello de Vigo para facilitalo acceso dos baioneses e miñoranos en xeral ó Centro Médico de Medicina Especializada, Clínica POVISA.
Aproximadamente o 80% dos usuarios de esta liña acoden o Centro Médico Povisa, ben sexa coma doentes ou como acompañantes. E gran parte deles son doentes de avanzada idade e con graves limitacións físicas.
A causa máis frecuente é acudir a unha consulta externa con especialista ou a realizar probas diagnósticas. A atención no Servizo de Urxencias é moi habitual. Tamén cada día é máis frecuente o ser tratados en clínica de día, recibindo o alta o mesmo día da intervención co que as molestias soen ser frecuentes.
Outra das razóns son os ingresos hospitalarios para diagnóstico e tratamento.
É por todo isto que o Concello de Baiona solicita ó Concello de Vigo e á concesionaria do transporte Atsa a creación desta parada nas confluencias da Gran Vía coa rúa Salamanca, que facilitaría o acceso a tódolos doentes a este servizo tan esencial.
Dende o Concello se contactará cos Concellos de Nigrán e Gondomar e coa Mancomunidade do Val Miñor para que poidan tomar acordos similares.
