Segundo informa a Voz de Galicia, o Pleno do Concello de Gondomar acordou instar á Xunta de Galicia a que paralice de forma inmediata a tramitación do Plan Xeral de Ordenación Urbana Municipal (PXOM) aprobado, inicialmente, o pasado xaneiro.

Este acordo contou con oito votos a favor, os do PSOE (1), BNG (4) e independentes (3) fronte aos sete do PPdeG, despois de que dous dos seus concelleiros entregasen a súa acta de concelleira tras ser detidos por un suposto delito urbanístico.

A moción foi presentada polo PSOE e contou cunha emenda dos independentes de Move Gondomar que se realizou durante un receso de cinco minutos.