O Xornal do Val Miñor. Baiona, Nigrán, Gondomar

Hoxe presentouse oficialmente o cartel do I Festival Internacional de teatro lusófono en Gondomar onde participan 6 compañías de Galicia, Portugal e Brasil.

Ponte na escena, terá lugar os próximos días 24, 25 e 26 de maio en Gondomar.

6 compañías de teatro procedentes de Brasil, Portugal e Galicia serán as protagonistas  de por en escea o primeiro festival de teatro que en Galiza presenta as obras de compañías brasileiras, galegas e portuguesas.

Unha ponte necesaria que ofrece ao espectador a posibilidade de asistir a diferentes propostas escénicas contadas nunha mesma lingua con sotaques diferentes. Un proxecto que une a proximidade cultural entre territorios que comparten unha expresión común.

Ignacio Troncoso, concelleiro de cultura, afirmou hoxe que "aínda que pareza estraño, é a primeira vez que se vai facer un festival de teatro lusófono en Galicia. Por isto, apostamos fortemente por esta colaboración".

Dúas compañías galegas (Limiar Teatro e 8mm Teatro), dúas portuguesas (Fafe cidade das artes e Teatro Invisibel) e dúas brasileiras (Farándula e Teatro andante) desenvolverán o Festival Internacional de Teatro que terá por sede a vila de Gondomar do 24 ao 26 de maio.

As seis conforman o programa de Ponte…na escena, o primeiro festival internacional de teatro da lusofonía que se pon en marcha en Gondomar. A proposta xorde do impulso de Ponte…nas ondas, de aí o nome do certame pero tamén de Limiar Teatro (Fran Núñez), membro desta última formación e implicado en Ponte nas ondas desde tempo atrás fala da “vocación de exhibir proxectos comúns da lusofonía”.

O programa centrará a súa actividade no Auditorio Municipal Lois Tobío, aínda que o venres 24, o bar Catro Camiños albergará "Unha historia de amor ao Tarantino (8mm. Teatro)" a partir das 23 horas con entrada libre.

O custe das entradas para o resto de espectáculos é de 4 euros por espectáculo, ou  un bono de 6 euros que permite o acceso ás dúas funcións do día.

Entradas anticipadas en www.servinova.com

Festival internacional de teatro O festival Ponte...na escena é o primeiro festival de teatro que en Galiza presenta a obra de compañías brasileiras, galegas e portuguesas.

Unha ponte necesaria que ofrece ao espectador a posibilidade de asistir a diferentes propostas escénicas contadas nunha mesma lingua con sotaques diferentes. Un proxecto que une a proximidade cultural entre territorios que comparten unha expresión común.

O martes 21 de maio, ás 20:00 horas, na biblioteca de Gondomar, terá lugar a sesión mensual do club de cómic Lecturas Debuxadas que organiza a asociación Espazo Lectura. A sesión estará dedicada a comentar V de Vendetta, de Alan Moore e David Lloyd.

O Boletín Oficial da Provincia de Pontevedra (BOP) publica na edición deste luns 20 de maio o anuncio da resolución da alcaldía de Nigrán pola que se convoca ao proceso de selección de oito prazas de auxiliar de policía local con carácter de persoal laboral temporal. O devandito expediente con número nº: 2013/02 ps, que pode descargarse na web oficial do Concello, outorga dez días para a presentación de solicitudes.

-O 20 de maio, no mes das Letras Galegas, vaise celebrar por primeira vez no IES Escolas Proval a “Romaría das Letras”.

-Será un día de festa, de portas abertas a todas as familias do alumnado do instituto que desexen participar.

-Unha vida dramática, o espectáculo teatral deseñado por Miguel Anxo Mouriño foi estreado nun abarrotado Auditorio Lois Tobío, na celebración do Día das Letras Galegas.

-Centos de narices vermellos simbolizaron a homenaxe do público ao gran dramaturgo que foi lembrado ao longo da obra e con pasaxes audiovisuais da súa pegada no cine e a televisión.

A poeta miñorana Marta Dacosta resultou gañadora do premio Johan Carballeira de poesía, do concello de Bueu, coa súa obra "dun lago escuro".

-Na calor do meu cuarto é o título do filme.

-A curtametraxe foi producida, filmada e protagonizada por alumnado e profesorado do IES Terra de Turonio de Gondomar