O Concello de Gondomar organiza un curso de "Técnicas de venda" dirixido a desempregados entre 16 e 35 anos. O curso de 30 horas de duración será impartido polas mañás do 3 ao 17 de outubro no Centro Neural de Gondomar. Os interesados deben estar empadroados nalgún dos concellos do Val Miñor (Baiona, Gondomar e Nigrán). A iniciativa é parte do programa "Actívate", financiado pola Deputación de Pontevedra. Para inscricións, dirixirse a OMIX Gondomar, na Casa da Cultura.