As máis recentes investigacións sobre a  Prehistoria de Galicia serán expostas noXII  Memorial Filgueira Valverde, que se celebrará no Museo de Pontevedra os días 5, 6 e 7 de novembro. Nesta edición se analizarán tres fitos particularmente significativos na investigación dese período, os xacementos de O Cabrón, en Arbo, de Porto Maior, nas Neves e de Cova de Eirós, en Triacastela, en Lugo.

Últimas investigacións do Instituto de Estudos Miñoranos nos xacementos paleolíticos.

O martes 5 de novembro o arqueólogo Eduardo Méndez Quintas (IEM) presentará un informe sobre os xacementos de O Cabrón (Arbo, Pontevedra) ePorto Maior (As Neves, Pontevedra), subministradores de información esencial sobre a natureza dos primeiros poboadores de Galicia, a súa antigüidade, no caso de Porto Maior, con ferramentas de tipo achelense,  que podería aproximarse ao medio millón de anos.

A Cova de Eirós

O mércores 6 de novembro, Ramón Fábregas Valcarce (USC)  presentará  os traballos na Cova Eirós (Triacastela, Lugo), cuxas pinturas e gravados, datables no Paleolítico superior (entre o Graveto-Solutrense e o Magdaleniense, hai, pois, entre 25.000 e 10.000 anos), se ofrecen actualmente como os primeiros testemuños da arte parietal do noroeste peninsular .

Arte Neolítica en espazos funerarios

O xoves 7 de novembro, Fernando Carrera  Ramírez, director da Escola Superior de Conservación e Restauración de Bens Culturais de Galicia, tratará o tema "Arte na época  neolítica. Expresións en espazos funerarios".

Participación e horarios

Todas as conferencias darán comezo ás 20 horas e a entrada ás mesmas é libre. Este memorial busca inserirse "nas novidades que ofrece o discurso expositivo do recentemente inaugurado edificio sarmiento do Museo. O seu inauguración permitiu dar a coñecer un conxunto excepcional de obras e materiais arqueolóxicos exhumados en décadas e ata séculos".