A Asociación Avelaíña conmemorará o Día Mundial da Saúde Mental inaugurando novas instalacións en Baiona. Na bisbarra e contorna ofrece servizos de apoio a máis de 400 persoas con algún tipo de trastorno mental. Delas, 25 participarán deste centro de rehabilitación que pechou en Gondomar e este venres reabre na Vila Real. Máis este servizo vital para as familias do Val Miñor non é o coñecido nin “recoñecido” suficientemente. Ter máis próxima a realidade pola que atravesa Avelaíña foi obxecto desta entrevista co seu equipo de fornecedores.
Ciencia e tecnoloxía - Val Miñor
Sanitarios do centro de referencia do ébola en Galicia advirten que non están preparados
Cada vez son máis as voces críticas coa xestión do Goberno no caso do évola. Ademais do evidente erro que permitiu o contaxio da enfermeira de Becerreá en Madrid, agora son os profesionais sanitarios os que alertan que non están preparados para facer fronte a pandemia. De feito, no hospital Carlos III de Madrid vivíronse onte algunhas escenas de pánicos, con operarios chorando e algúns abandonando o seu posto de traballo.
En Galicia, son os especialistas encargados de xestionar a crise os que advirten que non teñen medios dabondo. A xunta de persoal do complexo universitario de Vigo, ao que pertence o hospital Meixoeiro, centro de referencia en Galicia fronte ao évola, fala de carencias tanto de materiais como de formación.
O PP rexeita modificar a lei da Seguridade Social para dar máis coberturas aos doentes de cancro.
A maioría parlamentaria do PP no Congreso impide que prospere a proposición de lei presentada polo BNG para mellorar a cobertura laboral e de seguridade social aos enfermos de cancro. Iniciativa que recolle o reclamo que lidera a viguesa Beatriz Figueroa, doente desta enfermidade que foi quen de acadar máis de medio millón de sinaturas de apoio á proposta.
A portavoz do BNG no Congreso, Olaia Fernández Davila, subiu onte martes á tribuna da Cámara a defender a proposición de lei do BNG, que dá resposta a unha demanda social, para que se mellore a cobertura laboral e de Seguridade Social ás persoas enfermas de cancro.
FADEMGA denuncia a falta de apoios da Xunta ao servizo San Francisco para persoas con discapacidade mental.
Con máis de 15 millóns de euros foron beneficiadas a través de axudas, préstamos e concertos do Estado e Xunta, dúas empresas privadas para a prestación de servizos a persoas discapacitadas en Galicia. Pola contra, a asociación sen ánimo de lucro San Francisco, con sede no barrio de Coia (Vigo), podería ter que pechar tras 47 anos de servizo ante a falta de axudas para acondicionar as súas instalacións.
FADEMGA advirte que a medida afecta a 73 pacientes e 20 traballadores que non serían acollidos polas novas empresas.
Afectados maniféstanse contra a privatización do servizo social para persoas con discapacidade.
Unha concorrida manifestación tivo lugar en Vigo por parte de familiares, usuarios e traballadores en defensa da Asociación Galega San Francisco (AGASFRA)
A Xunta de Galicia sacou a concurso público o servizo de atención a persoas con discapacidade que até o de agora cumpría en Coia a Asociación Galega San Francisco (Agasfra). A medida afecta a 74 usuarios e deixará na rúa próximo a 20 traballadores desta organización sen ánimo de lucro.
Comité POVISA - "Hai horas do día no que non hai persoal para atender a un paciente cunha parada cardíaca"
Povisa segue despedindo traballadores e reducindo xornadas pese á firma do convenio co SERGAS por 75 millóns de euros anuais.
A empresa POVISA obtivo no pasado exercicio un beneficio de 11 millóns de euros.
1425 millóns para financiación do novo hospital de Vigo que reduciu 500 camas das 1400 previstas
A Federación de Sanidade de CC OO de Galicia denuncia a «campaña de propaganda» da Xunta sobre o novo hospital de Vigo. O sindicato faise eco dunha publicidade que o Goberno autonómico inseriu en varios xornais co lema «cada euro conta» e na que aparece a imaxe do centro vigués.
Conselleira de Sanidade: "Os cidadáns están satisfeitos coa sanidade galega"
A conselleira Rocío Mosquera defende a súa xestión e nega "colapsos" durante o verán. Toda a oposición coincidiu en denunciar o abandono da sanidade pública.
Diminuír as enfermidades e responder á mellora continua do sistema a través de 17 prioridades que inclúen 108 obxectivos, 248 accións de mellora e 334 indicadores. Ese é o novo obxectivo da Consellería de Sanidade no seu Plan de prioridades sanitarias para o período 2014-2016 que deu a coñecer este martes na Cámara a súa titular, Rocío Mosquera.
Os pacientes do Val Miñor teñen tres meses para decidir se queren marchar de POVISA
Se a lista de espera para a consulta dun especialista ou para entrar no quirófano en POVISA desespérate, agora tes opción de solicitar ser atendido e asignado a outro hospital público de Vigo.
A xerente do SERGAS, Nieves Domínguez, explicou nun comunicado de prensa co gallo da firma do novo convenio con POVISA, que os pacientes do Val Miñor e Morrazo, que até o de agora eran adscritos forzosamente ao hospital privado, poderán solicitar ser atendidos nos outros hospitais públicos de Vigo, que actualmente teñen unhas listas de espera un 200% inferior ao centro privado.
JPAGE_CURRENT_OF_TOTAL