O Sindicato de Traballadores do Ensino de Galicia (STEG) denuncia que a Consellería de Cultura e Educación deixa sen libros de texto ao alunado que teñan que repetir 2º e 4º de ESO e que non tivera solicitado a súa inclusión no programa do fondo solidario de libros de texto antes do 30 de xuño pese a que os exames de recuperación son en setembro.

Nesta xornada deron comezo na Casa Colorida en Nigrán os obradoiros de xestión cultural e comunicación cos que dá inicio a VI edición da Feira Imaxinaria. Evento que congrega a integrantes de máis dunha trintena de iniciativas socio-culturais con sede en Brasil, Cataluña, Galicia e Portugal. Colectivamente preparan o intercambio de experiencias e coñecementos que terán lugar os días 4, 5 e 6 de setembro no Alg-a Lab, en Valadares, Vigo.

A FEIRA IMAXINARIA chega á súa sexta edición acollendo a persoas e organizacións autónomas conectadas en todo o territorio rexional da Galiza e o Norte de Portugal.
Como cada ano discorre no espazo vigués do Alg-aLab (Valadares) e se suma nesta edición o espazo nigranés da Casa Colorida.

O encontro terá como fin acoller a "persoas, colectivos e proxectos que se van encontrar arredor de vivencias, acampada, xantares, rodas de conversas, debates, festa, mostra cultural e artes interactivas, escénica, musical, audiovisual, obradoiros, e mercado de autoedición editorial"-.

Attachments:

File
FI2015

As OMIX de Gondomar e Baiona convocan á 9ª edición do Certame de Fotografía Viaxando.

Un ano máis bota andar o Certame de fotografía Viaxando, este ano na súa 9ª edición. Concurso destinado a mozos de 12 a 35 anos que terán tempo até o vindeiro 23 de outubro para presentar imaxes coa temática do lema do certame "Viaxando".

Xa chega o Moura Rock! Dez edicións que o converten nun clásico dos festivais rockeros de Gondomar e todo o Val Miñor. Feito na parroquia dos cotos inmensos pendurados cara o val, as bandas, especialmente da zona, escalan cada ano cara o recinto de festas da Merced para ofrecer o mellor do seu repertorio.

Este ano toca a Akarakan (Vincios), Kalambrazo (A Carrasca), Demencia Sonora (Freixo) e Hypons Day (Cangas), alumear a noite deste sábado 29 de agosto.

Agrupación de Danzas Villa de Cuéllar (Cuéllar – Segovia), Grupo Coros y Danzas Nazarín (Miguel Turra – Ciudad Real) e a anfitrioa Airiños da Lagoa conforman a carteleira da 19ª edición do Festival Folclórico de Baíña.

Este sábado 22 de agosto, ás 20 horas, o Centro Cultural de Peitieiros, Gondomar, celebra o XXII Festival Folclórico Internacional.

Nesta edición abrirá o grupo anfitrión, Ecos e Agarimos, que como en todas as edicións será o responsábel de iniciar o Festival. Ecos e Agarimos, cunha traxectoria de máis de vinte anos, é a escola de música e baile tradicional da parroquia.

O pasado sábado celebrouse na vila de Baiona de un acto singular e histórico. Por primeira vez e nun só día as súas campás falaron para comunicar como antano. Esta vez alternaron os sons que chamaban aos actos relixiosos, con aqueles que sinalan o perigo dun incendio ou a tristura do pasamento dun veciño. A xeira contou coa guía de Anxo Rodríguez Lemos (IEM) e os toques nas campás de Lito de Mauricio