A Asociación Veciñal Castro e Ladeira organiza o vindeiro sábado 5 de setembro un festival solidario co Banco de Alimentos de Vigo. O acto terá lugar no Mercado de Sabarís e constará dun espectáculo coa participación do Payaso Popin e a seguir o grupo Algarada.

O evento terá lugar o mesmo día da ruta musical do COEMSA e dará comezo ás 20:30 horas. A entrada consistirá na achega de alimentos non perecedoiros.