O pasado sábado oito ciclistas foron atropelados por unha furgoneta en Oia, na estrada PO-325. Un deles continúa na UCI e Aída Valiño, campiona de España de triatlón, necesitará ser operada. Os outros seis xa están fóra do hospital, aínda que algún despois de recibir corenta puntos nas súas feridas. Foi unha moi mala fin de semana para os e as ciclistas e cicloturistas en toda España: ademais do grave accidente de Oia, dous afeccionados ás dúas rodas morreron en Navarra e outro en Guadalajara, e o número total de falecidos no Estado no que vai de ano chega xa a 25.

O colectivo de profesionais sanitarios relacionados coa saúde infantil nos tres concellos do Val Miñor pronúncianse a prol de retirar as bandexas plásticas dos comedores escolares da bisbarra. Médicos pediatras, enfermeiras pediátricas e comadroas emitiron un comunicado este xoves ,“de acordo á responsabilidade inherente ao seu cargo” no que recomendan ás autoridades locais e empresas involucradas nos servizos de catering, aplicar o principio de precaución ante os informes desfavorable que a súa utilización ten acadado en informes da Organización Mundial da Saúde (OMS). O escrito ben a fornecer o reclamo iniciado por un grupo de nais e pais do CEIP Souto Donas a principios de abril e que agora atópase a estudo das ANPAS da bisbarra.

A pesar que acadou 1.397 votos no Val Miñor nas últimas eleccións europeas, a formación política "Podemos", de Pablo Iglesias, non tiña unha agrupación formalmente constituída na bisbarra. Co pulo de colocarse como carta forza electoral nos tres concellos miñoranos, agora xa circula nas redes unha convocatoria para conformar a primeira no concello de Nigrán. Será o vindeiro sábado 7 de xuño ás 18 horas nunha asemblea nos salóns do hotel Sotomayor (Rúa Rosalía de Castro, 7-9). Se ben o convite titúlase "Presentación Podemos Nigrán", en contacto con VM.info, matizouse que a idea é desenvolver unha primeira asemblea onde informar das bases de organización do "círculos" e evolucionar na conformación do grupo en outras vindeiras, "como se ten feito noutros municipios".

Milleiros de cidadáns en Vigo e máis dun centenar na Ramallosa  centraron as mobilizacións en  reclamo dunha nova República que motivaron a participación dos miñoranos. A partir das 20 horas deste venres e tras unha rápida convocatoria espallada nas redes, xuntáronse na contorna da Ramallosa, punto simbólico de encontro dos tres concellos do Val Miñor. Por outra banda, outro continxente de veciños da bisbarra decidiuse por formar parte das concentracións da cidade olívica.

BNG, Anova, EU, A Esquerda, a Xunta Repúblicana e outras entidades chamaron á mobilización este luns para preclamar unha República tras a decisión do actual monarca español, Juan Carlos de Borbón de abdicar da coroa. Por iso, chaman a participación en diversas concentración que terán lugar este luns en diferentes cidades e vilas galegas. No Val Miñor xa está a circular nas redes unha convocatoria aberta para todos aqueles cidadáns que desexen apoiar o reclamo pola República a concentrarse ás 20 horas na Ramallosa.

A Policía Xudicial de Vigo detivo o pasado venres na localidade da Lama, a J.G.P.M. como presunto autor de catro delitos de roubo con forza. Os feitos producíronse de xeito consecutivo no mesmo mes, en xuño do ano 2012, en diversos locais e fincas de Nigrán e Baiona. Segundo especificaron as autoridades policiais, o delincuente está acusado de cometer un roubo con forza nas oficinas da empresa 'CRC Representacións', da Ramallosa.

-Gondomar intercede ante a Xunta para que arranxen o cruce da Avda. Portugal e a estrada de Clemente

Aínda que a intersección sitúase no municipio de Nigrán foi o Concello de Gondomar, quen a petición de veciños de Mañufe, Donas e Borreiros, solicitou esta actuación, segundo da conta a administración gondomareña. Sinálase que son os veciños desta parroquia os maiores usuarios desta estrada onde xa a Xunta comezou as obras de mellora.

José Blanco é contundente nas súas respostas. Está convencido de que o PSOE pode gañar estas eleccións. Por iso promete ser a voz dos galegos no Parlamento Europeo para defender os intereses de Galicia e mellorar a súa situación económica. Para iso ofrece o que leva ofrecendo desde que comezou en política; "compromiso e traballo".

«O Partido Socialista está en condicións de gañar as eleccións se se mobilizan todos os cidadáns que están descontentos coa dinámica emanada de Europa desta austeridade extrema». É a principal convición de José Blanco, ex ministro de Fomento e número dous do goberno de Zapatero.