O alcalde de Gondomar, Paco Ferreira, presentou oficialmente á concelleira Iría Lamas, responsable de Infraestruturas e Servizos Básicos no actual goberno. O fixo ante o persoal do departamento con quen mantivo tamén un intercambio a prol de informar dos plans e orientacións que guiarán ao novo goberno neste eido municipal que ocuparase de "obras, iluminación, cemiterio, parques e xardíns", entre outras actividades, segundo dou conta o rexedor.
Gondomar - Noticias de Gondomar e Val Miñor
O alcalde de #Gondomar pide maior coordinación e rapidez nas tarefas ao persoal de obras do Concello.
Incorporáronse tres auxiliares á Policía Local de #Gondomar polos vindeiros 6 meses.
Hoxe tivo lugar a presentación dos tres auxiliares que se incorporaron a Policía Local de Gondomar. A presentación acudiu o Alcalde Paco Ferreira, o xefe de policía, e o concelleiro Juan Antonio Gonzalez
Gondoverán dará servizo a un centenar de cativos durante o mes de xullo.
O alcalde de Gondomar, Paco Ferreira, e as concelleiras Iria Lamas e Nuria Lameiro visitaron esta mañá o Gondoverán, o campamento de lecer e tempo libre no que participarán 100 nenos e nenas de entre 3 e 12 anos, durante todo este mes de xullo. Na presentación fíxose entrega dunha camiseta a cada un dos nenos e nenas participantes. Este ano incrementáronse as prazas do devandito campamento tras unha demanda que alcanzou as 120 solicitudes segundo fontes da administración local.
A fotógrafa Ani Pérez fornece Gondomar con novas miradas dixitais.
Un grupo de mozas e mozos de Gondomar iniciaron este mércores un curso de fotografía dixital que estará a cargo da recoñecida fotógrafa miñorana, Ani Pérez. Os participantes do curso, de entre 14 e 30 anos, recibirán coñecementos desta arte dixital durante 30 horas no correr do presente mes. As aulas comezaron cuña presentación na que estivo presente o alcalde Francisco Paco Ferreira, quen salientou a importancia da aprendizaxe destas técnicas por parte dos novos, nun mundo onde "todo é dixital, é o futuro", afirmou.
As clases que deron comezo hoxe desenvolveranse no Centro Neural da vila. No acto de apertura tamén estivo presente a concelleira Iría Lamas acompañando á docente, ao alcalde e mais o equipo da Oficina Municipal de Información Xuvenil (OMIX) do Concello de Gondomar, organizadora deste obradoiro.
Por mor da seca o alcalde de Gondomar fai un chamado ao consumo responsable da auga.
Nun dos primeiros bandos emitido como alcalde de Gondomar, o socialista Francisco Ferreira asinou o pasado martes un Bando a prol do "consumo responsable da auga". Nel fai un chamado á poboación a "facer un esforzo e restrinxir o consumo todo o que se poida". Nomeadamente solicita "evitar o rego excesivo dos xardíns, limpeza das rúas, lavado de coches, encher piscinas e outras actividades non necesarias". Todo ca fin de garantir " a dispoñibilidade de auga potable para as necesidades básicas das persoas".
JPAGE_CURRENT_OF_TOTAL
