A Mesa pola Normalización Lingüística vén de facer pública a resposta da Garda Civil á denuncia dun caso de discriminación lingüística no cuartel de Gondomar denunciado este mes de agosto.

Segundo as queixas recibidas pola Mesa a través da Liña do Galego, un funcionario do cuartel da Garda Civil de Gondomar negouse a atender a chamada dun veciño de Gondomar porque este se expresaba en galego. Xosé Luís Alborés, veciño de Gondomar,chamara ao cuartel para se interesar se era ou non conveniente cursar unha denuncia contra un veciño, "con antecedentes penais", que o ameazara con baterlle cunha pedra. "chamou por teléfono ao cuartel da Garda Civil de Gondomar para expor un problema. Ao comezar a relatar o seu caso, a persoa que atendía o teléfono pediulle que "non le hablase en gallego, que le hablase en español".

As gabanzas tiveron lugar durante a presentación da nova sede policial e posteriormente recollidas pola prensa, segundo Gondomar Concello Aberto (CABE). Segundo esta formación, as mesmas foron dirixidas aos ex alcaldes do PP Ramón Sestelo e Carlos Silva. Nelas, o actual rexedor de Gondomar, Paco Ferreira (PSOE) tería expresado a súa satisfacción "por la concurrencia de alcaldes a los que debemos mucho".

“Políticas, fotos e declaracións como as do Sr.Alcalde de Gondomar onte na inauguración das novas instalacións da Policía Local son radicalmente contrarias á ética e as compromisos adquiridos polo goberno e as formacións políticas que o sustentan ante a cidadanía e ante o pacto de goberno”, sinala esta plataforma veciñal, socia no goberno dos socialistas e con 3 concelleiros na corporación.

O Concello de Gondomar anuncia está levando a cabo unha campaña de limpeza de todos os colectores de lixo do termo municipal.

Sinalan que por primeira vez estase a realizar o lavado dos colectores con desengraxante para limpar as paredes e o fondo dos residuos que quedan adheridos aos colectores. Engaden que o tratamento conleva a utilización de espuma con bactericida que perfuma o colector e o mantén durante máis tempo limpo. Todo o proceso está feito con auga quente, segundo explicacións recibidas pola alcaldía da empresa GESECO, concesionaria do servizo.

O BNG insta ao goberno municipal de Gondomar a que apoie e promova a participación na manifestación por un Hospital 100% público convocada para o día 3 de setembro
Sinalan que presentaron no Concello de Gondomar, xa hai varias semanas unha moción acordada entre a Plataforma en Defensa da Sanidade Pública (PDSP) e distintos grupos municipais con propostas a tal fin.