Domingo, 21 Apr. 2024

Actualizado10:50:26 PM GMT

Estás en Gondomar Liberan dous garranos en Morgadáns tras breve “xeira turística” no barrio de Hervillás.

Liberan dous garranos en Morgadáns tras breve “xeira turística” no barrio de Hervillás.

Correo-e Imprimir PDF
garranos finca
garranos camion
garranos ceibes
garranos monte2
  • Anterior
  • 1 of 4
  • Seguinte

Égua e poldro baixaron días atrás dende o Galiñeiro por motivos descoñecidos. Fame? Susto? Quen sabe, tal vez por pura aventura destes habitantes milenarios da serra que aínda pastan ceibes sen conciencia das limitacións territoriais e administrativas. Ficaron na finca dun bo veciño de Hervillás, ao que lle estragaron boa parte do seus cultivos. Este, aínda as perdas ocasionadas, deulles refuxio durante varios días e deu aviso á Garda Civil. O venres presentáronse o concelleiro de Gondomar, Juan Carlos González Camesella xunto a efectivos da policía local e un camión de gando que os transportou cara a Morgadáns e liberou no monte.

González Camesella, responsable de Medio Ambiente en Gondomar, agradeceu ao dono da finca "que pese aos danos que lle ocasionaron os tratou moi ben e os coidou durante uns días". Informou a VM.info que os garranos foron liberados nunha zona segura do monte de Morgadáns, e afastada da finca para que non intentaran volver.