A deputada Eva Solla (AGE) reúnese coa plataforma de afectados “Merda fóra de Gondomar”.
Catro membros da plataforma "Merda fóra de Gondomar" sostiveron una xuntanza coa deputada Eva Solla (AGE) para informar á representante da preocupación veciñal pola construción do tanque de tormentas fronte á urbanización As Garzas. Na mesma, integrantes de Esquerda Unida e EQUO, tamén achegaron ao colectivo o seu rexeitamento a esta construción nomeadamente polo que definiron como "opacidade informativa" por parte da Xunta de Galicia e o Concello de Gondomar.
Durante a reunión mantida o pasado venres, Borja Nande (EU Gondomar), Oscar Milego (EQUO Val Miñor) e Adrián Pinacho (EU Vigo), manifestaron ao colectivo a vontade política destas agrupacións para convocar a toda a cidadanía para participar nas protestas organizadas pola plataforma.
