Os xogadores do Gondomar C.F. abraiaron, golearon e solidarizáronse cos veciños afectados polas preferentes.
- Anterior
- 1 of 2
- Seguinte
A Plataforma Gondomar de afectados polas preferentes e subordinadas recibiu o pasado domingo o apoio dos xogadores do Gondomar Fútbol Club que saíron ao campo de As Gaiandas, vestidos coas camisetas que habitualmente utilizan os veciños nas súas xornadas de protesta. A escuadra gondomareña aprontábase para disputar o partido ante o Ponte Ourense, ao que finalmente venceu cun contundente 7 a 1.
O xesto solidario dos deportistas foi saudado por el público que asistiu ao campo no marco da 21ª xornada da liga Preferente Autonómica Galicia Sur, que pechou co equipo da vila condal na 4ª posición, a tan só dous puntos do líder. Nas gradas, atopábanse representantes da Plataforma Gondomar que agradeceron o detalle dos deportistas alentando ao equipo local ao longo dos 90'.
