Gondomar decide manter aos tres auxiliares de policías contratados polo verán até fin de ano.
-Con esta decisión o número de efectivos elévase desde o pasado 1 de xullo a dez policías locais.
Os tres auxiliares da policía local contratados polo Concello de Gondomar o pasado mes de xullo para a tempada de verán, continuarán patrullando o municipio despois de que a administración local lles prorrogase o contrato tres meses máis. O anuncio feito esta tarde pola administración local, sinala que co mantemento destas incorporacións, o número de efectivos do Concello ascende a 10 policías locais. Deste xeito, segundo o Concello, os tres auxiliares seguirán cooperando nas tarefas de seguridade e tráfico ata finais de ano.
