O Xornal do Val Miñor. Baiona, Nigrán, Gondomar

O alcalde de Gondomar, Antonio Araúxo, e o xerente do Consorcio Galego de Servizos, Lois Castrillo, inauguraron onte pola tarde o primeiro centro comarcal de Igualdade e Benestar para O Val Miñor e O Baixo Miño. As oficinas están situadas na Rúa do Emigrante e o seu obxectivo é a posta en marcha do Plan Galego de Inclusión Social, a oficina de igualdade de oportunidades, así como todas aquelas iniciativas nas que a Xunta colabore cos concellos beneficiados.