A rede de empresas Abertos ao Galego, iniciativa promovida pola Mesa pola Normalización Lingüística, difunde unha nova edición do seu catálogo de Nadal, que compila unha selección de servizos e produtos que se ofertan en galego.
A rede de empresas Abertos ao Galego presenta o seu catálogo de Nadal con produtos en galego.
As arcas provincias fornecerán 150 becas de mobilidade por valor de 1000€ a universitarios de Erasmus+.
A Deputación asina un convenio coa Universidade de Vigo para impulsar a mobilidade do alumnado con menores recursos económicos dos campus de Pontevedra e Vigo.
Carmela Silva, presidenta da Deputación de Pontevedra, destacou que "a Deputación de Pontevedra achega á Universidade de Vigo 150.000 € para que se poidan levar a cabo 150 mobilidades do alumnado universitario con menos recursos económicos"
O Museo provincial de Pontevedra organiza un concurso fotográfico de espazos históricos.
"Obxectivo Pontevedra" leva á rúa o aniversario da fundación do Museo. Trátase dun concurso fotográfico, aberto a toda a cidadanía, que se desenvolverá o 30 de decembro, coincidindo coa data do aniversario da fundación da institución museística da provincia
Co obxecto de conmemorar o aniversario da fundación do Museo provincial o vindeiro 30 de decembro terá lugar un concurso fotográfico aberto a toda a cidadanía. As persoas participantes, sen límite de idade, deberán localizar cinco espazos da zona histórica de Pontevedra retratados polos debuxantes da Sociedad Arqueológica de Pontevedra e fotografar eses lugares, tratando de reproducir, o máis fielmente posible, o encadre do debuxo orixinal.
Papá Noel visitará Gondomar este xoves.
O vindeiro xoves 24 dende as 17,00 ás 19,00H. Papá Noel e os seus axudantes estarán en Gondomar.
O Concello de Gondomar dende a Concellería de Cultura quere invitar a tódolos nenos e nenas do municipio a pasar unha tarde máxica grazas a animación na rúa que acompañará a Papá Noel no seu percorrido levada a cabo polo Centro Cultural "A Merced" de Chaín.
A Unión de Consumidores de Galicia alerta que La Caixa “está facendo mal as contas das hipotecas”.
Denuncian que a entidade bancaria aplica índices de referencia substituídos en 2013.
"Recentemente, facendo revisións dos préstamos e créditos hipotecarios de diversos asociados e asociadas da UCGAL, vimos de detectar que a entidade financeira La Caixa está a utilizar índices de referencia que deixan de publicarse en novembro de 2013", advirte o colectivo de consumidores nun comunicado.
Afirma qeu "Varios casos confirman que algúns créditos e préstamos hipotecarios concedidos por esta entidade nos últimos anos, se basean no uso incorrecto do índice de referencia que se utiliza para esas hipotecas".
O Consello de Goberno da Universidade de Vigo aproba un orzamento de 160,6 millóns de euros para 2016
Con 31 votos a favor, tres en contra e catro abstencións
Tamén se acordou iniciar o proceso de cambio de denominación da ETSE de Minas
Con 31 votos a favor, tres en contra e catro abstencións, os integrantes do Consello de Goberno da Universidade de Vigo aprobaron na derradeira sesión do ano un orzamento para 2016 de 160.586.524 euros. Trala presentación ante o Claustro das liñas básicas de actuación orzamentaria e á espera do ditame do Consello Social, que se reunirá o vindeiro día 29 no campus de Pontevedra, o orzamento recibiu o apoio maioritario dos membros do Consello de Goberno, ante os que o vicerreitor de Economía e Planificación, José Manuel García, debullou os aspectos máis destacados deste orzamento, un 2,79% inferior ao do ano 2015, por mor da finalización dos proxectos Táctica e Biocaps ou infraestruturas como Cinbio e tamén pola redución na captación de recursos externos, ao estar o novo programa Horizonte 2020 da UE nas fases iniciais.
Adianto nas redes de “Virada por Avante”, o próximo disco de Xosé Constenla.
As principais plataformas de distribución dixital (itunes, Spotify, Youtube, amazon, Movistar...) incorporarán este martes, 22 de decembro, o primeiro single de Virada por Avante, título do próximo disco do músico compostelán Xosé Constenla.
Titulado 'A luz entre a desorde', trátase dunha das composicións máis intimistas das que integran o álbum, aínda que neste caso mestúrase a parte máis sentimental cun enfoque tamén de loita social. En palabras de Constenla, é "o tema que mellor recolle o meu estado de ánimo cando compuxen os temas do disco; sair da penumbra dun tugurio agochado e descubrir que a vida continua e que está aí para enchela de contido"
Cáritas presentará o seu programa de emprego en Porto do Molle
Cáritas Diócesis de Tui-Vigo presenta o seu programa de emprego en Porto do Molle. No encontro terá lugar un coloquio sobre "Bonificacións na contratación" e finalizará cun viño español. A mesma dará comezo este luns 14 de decembro ás 20 horas na Rúas das Pontes s/n, Nigrán.
Vídeo: Debate sobre a situación dos medios en galego.
Se non tiveches oportunidade de seguir en directo o #streaming do debate dende o Culturgal Feira Industrias Culturais sobre "A situación dos medios en Galego" aquí tes de novo a emisión realizada polos compañeiros de K12 Comunicación
JPAGE_CURRENT_OF_TOTAL
