Sociedade
"Arestora temos o medo no corpo" sinala unha testemuña do espectacular accidente que tivo lugar este luns sobre as 11 horas da mañá na Gran Vía de Vigo.
Un autobús da empresa Monbús que transitaba cara a Praza América con cincuenta pasaxeiros comezou empurrar colectores, mobiliario urbán, xardineiras, árbores e vehículos aparcados provocando o pánico dos viandantes.
O conductor do autorcar, de 49 anos de idade, sufriu un desmaio e perdeu a consciencia por causas ainda descoñecidas.
A desfeita rematou á altura do cruce coa Rúa del Carmen e deixou oito feridos, aínda que leves, e o peche da estrada por varias horas.
Mañá día 25 de novembro con motivo do día internacional contra a violencia de xénero, os alumnos de 3º e 4º da ESO dos IES Auga da Laxe e Terra de Turonio de Gondomar, repartirán carteis e trípticos polos diferentes comercios da localidade, así como á poboación en xeral, a partir das 10.30 horas como parte dunha campaña de sensibilización sobre a violencia de xénero desenvolvida polos propios alumnos a través dun programa coordinado co Concello de Gondomar, cofinanciado polo Fondo Social Europeo e a Secretaría Xeral de Igualdade. A partir das 12 horas os estudantes lerán un manifesto fronte ao concello onde terá lugar unha concentración en repulsa a violencia de xénero con dous minutos de silencio.
A Policía Nacional comunica a detención dun varón de trinta e nove anos de idade, de nacionalidade española e con domicilio na cidade de Pontevedra, quen transportaba 3 quilos e 675 gramos de heroína, cun valor estimado por riba do medio millón de euros .
Encaixamos, a asociación das persoas con discapacidade do Val Miñor bota andar unha rifa solidaria destinada a financiar os gastos de funcionamento. Ofrecen unha xeitosa cesta de Nadal como premio a sortear coa vindeira Lotería de Nadal 2014 do 22 de decembro. Os números están dispoñibles en YAJOMA Panadería-Cafetaría (Sabarís), Farmacia Sabarís, Clube de Bolos Medialdea-Portameán, Antoxos (Sabarís), IES Ricardo Mella (Vigo) e cada uns dos membros da Asociación.
