Dezaoito establecementos do concello de Nigrán participan deste evento onde concursarán pola mellor elaboración de tapas e premiarán aos seus consumidores. Todo dende o venres 22 até o domingo 31 de maio.
Arrinca a segunda edición do Concurso Gastronómico Bocados 2015, organizado pola Asociación de Empresarios do Val Miñor OVALMI e o Concello de Nigrán. O concurso, que se desenvolverá entre o 22 e o 31 de maio, congrega na súa segunda edición a 18 establecementos participantes, que deberán ofrecer no período mencionado dous bocados ou tapas, unha por valor de 1,50 euros e outra por valor de 3 euros, con total independencia da consumición de calquera outra bebida ou produto.