Venres, 29 Mar. 2024

Actualizado10:50:26 PM GMT

Estás en Canais Sociedade Estafador con varias ordes de captura detido pola Garda Civil na provincia de Pontevedra.

Estafador con varias ordes de captura detido pola Garda Civil na provincia de Pontevedra.

Correo-e Imprimir PDF
estafas por internet

A Garda Civil detivo onte en Ponteareas a unha persoa cunha decena de ordes xudiciais de procura e detención.

O Equipo de Policía Xudicial da Garda Civil de Tui detivo onte en Ponteareas a J.M.S.E., de 32 anos de idade, con último natural de A Rioxa e con último domicilio coñecido nesta localidade pontevedresa, sobre o que recaían máis dunha decena de ordes xudiciais para a súa localización e detención.

Esta persoa, cun amplo historial delituoso no seu haber, fundamentalmente por delitos contra a propiedade e especialmente estafas por internet, figuraba reclamado por sete xulgados de distintas localidades de España: Móstoles (Madrid), Valladolid, Burgos, Castellón de la Plana, Logroño, Donostia (S.Sebastián) e Azpeitia (Guipuzcoa). Todos estes xulgados interesaban a súa procura e detención.

Outros catro xulgados de: Granada, Torrevieja (Alacante), Donostia (S.Sebastián) e Baracaldo (Vizcaya) xa solicitaran ás forzas e corpos de seguridade do Estado a pescuda do seu actual domicilio.

O detido foi posto onte a disposición do Xulgado de Instrución nº 2 de Ponteareas que decretou o seu ingreso en prisión.