Mércores, 5 Aug. 2020

Actualizado12:21:09 AM GMT

Estás en Canais Sociedade Peregrinos miñoranos da Asociación Avelaíña rematan mañá unha aventura de catro días cara Santiago.

Peregrinos miñoranos da Asociación Avelaíña rematan mañá unha aventura de catro días cara Santiago.

Correo-e Imprimir PDF
1211379357indicador_camino_340

Nove peregrinos da Asociación Avelaíña pisarán maña a Catedral de Santiago de Compostela logo dunha peregrinación de catro días que seis deles comezaron no concello de Gondomar. Acompañados dunha monitora, o grupo comparte a experiencia percorrendo o Camiño de Santiago xunto con outros 51 peregrinos achegados dende distinto puntos do país polo Camiño Francés. A iniciativa, organizada pola Federación de Asociacións de Familiares e Enfermos Mentais de Galicia (FEAFES), desenvólvese co obxectivo de rematar coa estigma que sofren as persoas co algún tipo de psicopatoloxía, explicaron membros de Avelaíña.

A aventura comezou o pasado martes 6 de setembro cun grupo de tres peregrinos acompañados dunha monitora de Avelaíña, que partiron dende A Guarda cara Gondomar polo Camiño Portugués da Costa. Alí, outros seis peregrinos miñoranos xuntáronse e dirixíronse ao concello de Melide, vello cruce dos camiños portugués e francés, onde se uniron ao resto dos peregrinos. A segunda etapa levounos por Arzúa e O Pino, para pasar a noite do mércores 7 en Arca.

Case dezaseis quilómetros fixeron nesta xornada para alcanzar o Monte do Gozo en Santiago xunto coa comitiva de 60 persoas na que se atopan tamén monitores e familiares. Mañá día 9, os espera un percorrido de 4, 5 quilómetros para rematar a experiencia na Catedral de Santiago. Os camiñantes participarán da misa do peregrino para logo compartir unha comida no casco antigo da capital galega.