Xoves, 28 Mar. 2024

Actualizado10:50:26 PM GMT

Estás en Canais Economía Veciño de Nigrán gaña a batalla ao Banco Santander

Veciño de Nigrán gaña a batalla ao Banco Santander

Correo-e Imprimir PDF

-Veciño de Nigrán obtén a devolución de 250 mil euros colocados en participacións preferentes polo Banco Santander.
-A sentenza engade o pago dos intereses correspondentes e os custes dun xuízo anterior elevando a suma a 300 mil euros.

Dim lights Embed Embed this video on your site
A Audiencia Provincial con sede en Vigo condena ao Banco Santander a devolver 250 mil euros destinados a participacións preferentes SOS-Cuétara a un veciño de Nigrán de 81 anos. O órgano xudicial declarou "radicalmente nulo" o contrato denunciado no 2006 por cinco herdeiros do aforrista prexudicado. A demanda fóra desestimada no 2012 polo Xulgado de Primeira Instancia de Vigo.
Segundo explicou en rolda de prensa Pérez Barreiro, avogado do aforrista, o cliente "de toda la vida" da sucursal do Banco Santander en Vigo non tiña antecedentes inversores, "siempre con imposiciones a plazo fijo, sin rastro de operaciones de riesgo". Polo cal o tribunal "no vio creíble que se decidiese, en la última etapa de su vida, a emprender una operación de alto riesgo, de compra de productos de muy difícil rescate por su condición de perpetuos", segundo o texto xudicial.
A sentenza engade á devolución dos 250 mil euros colocados en participacións preferentes, o pago por parte do banco dos intereses correspondentes -tras descontar os recibidos polo aforrista- e o abono das costas do primeiro xuízo xudicial, o que foi avaliado nuns 300 mil euros en total.