Xoves, 28 Mar. 2024

Actualizado10:50:26 PM GMT

Estás en Canais Economía Julio Fernández Gayoso devolve a Medalla de Ouro outorgada pola cidade de Vigo.

Julio Fernández Gayoso devolve a Medalla de Ouro outorgada pola cidade de Vigo.

Correo-e Imprimir PDF
Audiencia-Nacional-desestima-Fernandez-Gayoso TINIMA20130212_1152_5

O ex presidente de Novacaixa Galicia, Julio Fernández Gayoso, devolveu esta mañá a Medalla de Ouro outorgada polo concello de Vigo, tras decidir a corporación municipal retirarlla a raíz do escándalo das preferentes e as indemnizacións da caixa que o ten como imputado pola Fiscalía Anticorrupción xunto a outros ex altos cargos da entidade.

 

A medalla foi entregada no concello de Vigo esta mesma mañá por un familiar seu -segundo informou a canle TELEVIGO- acompañada dun escrito no que Gayoso afirmaría que trala decisión do pleno "non pode ter ese recoñecemento nin un día máis no seu poder". Segundo o informado pola canle viguesa, Gayoso recordou tamén neste escrito o seu implicación coa cidade durante máis de 60 anos e que malia que xa non teña a Medalla de Ouro "seguirá facendo o mesmo que ata agora".

Retirarlle a distinción foi unha proposta do BNG no pleno vigués que contou co apoio do PP e coa abstención do Partido Socialista do alcalde Abel Caballero.