A Concellería de Igualdade e a través do Centro de Información á Muller (CIM) de Gondomar organiza dende o vindeiro 20 de setembro un curso gratuíto de Office avanzado que inclúe os programas Excel e Access. Terá unha duración de 60 horase está destinado preferentemente a mulleres desempregadas e demandantes de emprego.

Para este curso pedirase unha serie de requisitos mínimos:

• Coñecementos mínimos no uso do ordenador

• Coñecementos medios do programa Word

• Coñecementos medios de matemáticas

O prazo de inscrición rematará o vindeiro 16 de setembro. As interesadas deberán inscribirse no Centro de Información ás Mulleres, na Casa da Cultura de Gondomar.