O Xornal do Val Miñor. Baiona, Nigrán, Gondomar

A empresa Mar de Silleiro S.L. que agrupa dende 2005 a un colectivo de percebeiros de Baiona e A Garda, estivo presente na quinta edición de Salimat, evento celebrado esta fin de semana no concello de Silleda. Salimat está considerada como unha plataforma de difusión de primeira orde para dar a coñecer produtos relacionados directamente coas actividades pesqueiras e marisqueiras. Antonio Garrido Pousa, concelleiro de Pesca e Marisqueo de Baiona, visitou o posto de Mar de Silleiro e trasladou o apoio do goberno municipal a esta nova empresa.