Martes, 5 Mar. 2024

Actualizado10:50:26 PM GMT

Estás en Canais Deportes Máis de 200 participantes daranse cita este sábado no III Torneo de xadrez Dani da Rocha Prol

Máis de 200 participantes daranse cita este sábado no III Torneo de xadrez Dani da Rocha Prol

Correo-e Imprimir PDF
Mireya-Supcampioa

A terceira edición do torneo de xadrez Dani da Rocha Prol, organizado polo club Laroca en colaboración co Concello de Nigrán, congregará o vindeiro sábado a máis de 200 nenos e nenas de toda Galicia. A proba, incluída no Circuíto Galego de Promoción do Xadrez, arrincará ás 11.00 horas, e disputarase ao longo de toda a xornada, finalizando ás 19.30 horas coa entrega de premios.

O torneo xógase en cinco categorías -sub-8, sub-10, sub-12, sub-14 e sub-20-, e entre os participantes haberá moitos campións galegos e máis dun campión de España, entre eles Mireya Represa Pérez, alumna de 13 anos de idade do club Laroca.
A organización entregará un obsequio de recordo a todos os participantes, así como un trofeo especial para os cinco mellores de cada categoría e para o mellor da zona do Val Miñor. Ademais, todos os participantes entrarán no sorteo dun agasallo sorpresa, cuxo gañador se coñecerá ao finalizar a xornada.