Luns, 26 Feb. 2024

Actualizado10:50:26 PM GMT

Estás en Canais Deportes Presentación de la 1ª Maratón de Montaña Trans Serra da Groba na Virxe da Rocha.

Presentación de la 1ª Maratón de Montaña Trans Serra da Groba na Virxe da Rocha.

Correo-e Imprimir PDF
image gallery

A Virxe da Rocha serviu de marco natural o pasado sábado para a presentación do 1º Maratón de Montaña Trans Serra da Groba que se celebrará no concello de Baiona o próximo día 2 novembro.

Esta 1ª edición conta coa colaboración das comunidades de montes, ACEBA, así como o patrocinio de diversas entidades e empresas. A organización sinala que o principal obxecto da proba "é gozar do deporte xunto coa natureza, respectando o medio". A competencia terá a saída e chegada na Praza do Concello, discorrendo polas fermosas paraxes do municipio e contorna.
O evento consta de dúas modalidades, unha carreira trail cuxa saída se realizará ás 8:30 h, cun percorrido de 45 km, no que os deportistas terán que superar desniveis importantes en pistas e sendeiros, e outra proba denominada andaina, que comezará ás 9:30 h cun percorrido de 20 km.
Ambos os dous itinerarios están perfectamente sinalizados onde haberá diferentes puntos de avituallamento nos que estarán voluntarios da organización.
O alcalde Jesús Vázquez Almuíña fixo fincapé durante a presentación "nas paisaxes excepcionais que poderán ver ao longo do seu percorrido, o que a converte nun marco único para a realización deste primeiro maratón de montaña á que chegasen deportistas de todos os lugares". Para as persoas interesadas en inscribirse poden anotarse a través da web oficial da proba www.trailserragroba.com.