Luns, 22 Jul. 2024

Actualizado10:50:26 PM GMT

Estás en Canais Cultura O gondomareño Fernando Casás expón na mostra colectiva “en (re) torno á paisaxe” en Pontevedra.

O gondomareño Fernando Casás expón na mostra colectiva “en (re) torno á paisaxe” en Pontevedra.

Correo-e Imprimir PDF
fcasas

Nela veranse obras de Carla Andrade, Vari Caramés, Fernando Casás, Sara Coleman, Iago Eireos, Elena Fernández Prada, Ruth Montiel Arias, Carme Nogueira, Lois Patiño, Pamen Pereira, Jorge Perianes e Manuel Sendón. A mostra está comisariada por Paula Caballero

No marco da mostra terá lugar este xoves 30 de xullo a mesa redonda "Reflexións polifónicas sobre a paisaxe, o territorio e o espazo contemporáneos." Coa participación de Fernando Casás, o fotografo Manuel Sendón e o profesor de historia da arte, Federico López Silvestre. Modera a comisaria da mostra, Paula Caballero

"en (re) torno á paisaxe"
Esta exposición recolle diferentes maneiras de achegarse a un dos xéneros «clásicos» da historia da arte desde a arte contemporánea, desde a postmodernidade. Coas tempestades románticas na retina e a luz impresionista no legado, doce artistas ofrecen a súa visión sobre un retorno cara a paisaxe, un reencontro, unha sorte de complexidade que abarca conceptos como tempo, espazo, memoria e vínculo.

Terán lugar visitas guiadas pola comisaria da mostra, Paula Caballero os días 14, 21 e 28 de agosto ás 12 horas . Actividade gratuíta que non require inscrición previa. Tamén todos os sábados non festivos ás 19 horas a cargo do gabinete didáctico do Museo de Pontevedra.

Mesa redonda con Fernando Casás, Manuel Sendón e Federico López Silvestre.
A mostra colectiva "en (re) torno á paisaxe" que acolle o Museo de Pontevedra permitirá este encontro de tres traxectorias vencelladas ao arte. Fernando Casás, artista e profesor da Facultade de Belas Artes da Universidade de Vigo; Manuel Sendón, fotógrafo e docente da mesma institución; xunto con Federico López Silvestre, profesor de Historia da Arte da USC, presentarán as súas respectivas miradas sobre esta triloxía contemporánea que anima a mesa: paisaxe, territorio e espazo. Paula Caballero, comisaria da mostra colectiva, intervirá como moderadora. Será este xoves 30 de xullo ás 20:30 horas no Auditorio do Museo de Pontevedra