Incorpóranse tres novos centros de ensino ao proxecto de Espazo Lectura como socios protectores: trátase do IES Auga da Laxe, do IES Terra de Turonio e do IES Escolas ProVal. Estes institutos de Educación Secundaria únense aos colexios da comarca que xa son socios protectores de Espazo Lectura e que colaboran coa asociación facéndolles chegar ás familias do seu alumnado a información mensual das actividades para convidalas a participar.

Ademais da ampla nómina de centros de ensino, tamén son socias protectoras de Espazo Lectura once editoriais galegas e dúas compañías de teatro.