Se a lista de espera para a consulta dun especialista ou para entrar no quirófano en POVISA desespérate, agora tes opción de solicitar ser atendido e asignado a outro hospital público de Vigo.
A xerente do SERGAS, Nieves Domínguez, explicou nun comunicado de prensa co gallo da firma do novo convenio con POVISA, que os pacientes do Val Miñor e Morrazo, que até o de agora eran adscritos forzosamente ao hospital privado, poderán solicitar ser atendidos nos outros hospitais públicos de Vigo, que actualmente teñen unhas listas de espera un 200% inferior ao centro privado.
Os veciños do Val Miñor agardan un 300% máis que o resto dos galegos, para entrar en quirófano según os datos do SERGAS.
A uns días de que sexan públicos os novos datos da situación das quendas en Galicia, o centro concertado POVISA, principal lastre da sanidade galega e hospital de referencia para os enfermos do Val Miñor, despedirá a doce traballadores pese a ter un beneficio de 11 millóns de euros e asinar recentemente un novo convenio co SERGAS por un tope de 75 millóns de euros anuais para os próximos dez anos.
Amnistía Internacional, Centro por los Derechos Económicos y Sociales, Médicos del Mundo e Red Acoge denuncian que o Estado español incumpriu as recomendacións de diversos mecanismos de Nacións Unidas e do Consello de Europa, que pedían a reforma do Real Decreto Lei 16/2012 de 20 de abril, de medidas urxentes para garantir a sustentabilidade do Sistema Nacional de Saúde e mellorar a calidade e seguridade das súas prestacións (RDL). Lembran nun comunicado conxunto, que o Estado español ten obrigacións legais en materia do dereito á saúde, tamén con respecto ás persoas migrantes en situación administrativa irregular.
A suposta existencia 
