Unha serie de especies invasoras (animais, plantas e outros organismos), xeralmente transportados e introducidos polo ser humano fóra das súas áreas naturais están establecidas e dispersas na nosa bisbarra con efectos negativos en diversos ecosistemas. A partir deste xoves 26 de febreiro ás 20:30 horas, dará comezo un ciclo informativo na Aula de Cultura Ponte de Rosas, a cargo de especialistas na investigación e control de catro ameazas instaladas no Val Miñor: O carrizo da Pampa, o picudo vermello das palmeiras, a avespa asiática (velutina) e unha serie de enfermidades infecciosas que afectan á poboación anfibia.

GALICIA NO LOMBO DA BALEA, baixo este título a Coordinadora para o Estudo dos Mamíferos Mariños-CEMMA, desenvolveu un proxecto que trataba de recoller e amosar a historia da caza da balea e a importancia que esta actividade tivo para o país. Este proxecto está apoiado economicamente polo Grupo de Acción Costeira 7, Ría de Vigo A Guarda, e consiste na recompilación de documentación sobre a caza da balea en Galicia. Esta segunda edición do proxecto ten como resultado a edición dun vídeo e dunha revista que serán presentados no IEM o vindeiro xoves 19 de febreiro ás 20:30 horas na Aula de Cultura Ponte de Rosas (Avda. da Feira Nº10 baixo). Intervirán os biólogos Alfredo López Fernánedez  e José Antonio Martínez Cedeira

Camiñando por unha das praias de Cidade do Cabo, Sudáfrica, un grupo de turistas notou que algo se movía no ventre dunha quenlla que xacía morta na beira. Un deles suxeriu que podería tratarse dunha femia preñada e para comprobalo practicoulle unha "especie de cesárea".

Vexa o vídeo. Coa voz de Carl Sagan, pódese gozar dunha curta de catro minutos onde se constrúen representacións realistas de planetas e lúas do Sistema Solar coa presenza humana instalado neles.

Hai unha especie de palmeira  que está nos nosos xardíns e parques públicos dende hai moitos anos. Foi plantada polos indianos nos xardíns  das casas que construíron e, pouco a pouco, por imitación, tamén polos concellos e a poboación en xeral, que vían nesta árbore un sinal de distinción. Chegouse a tal punto que moita xente plantounas en macetas e en xardineiras, mesmo nos balcóns e en terrazas das que,  co paso do tempo e ao ir medrando, xa non puideron saír se non era troceadas e con un grande custo material e económico. As árbores medran e si non son plantadas nun sitio axeitado e respectando as distancias vitais que cada especie necesita no seu desenrolo, ocorre que o que era motivo de ornato e de pracer visual, trócase nun estorbo e nun problema ao que lle hai que pór remedio.

"Galicia non reacciona axeitadamente aos problemas ecolóxicos", advirte o herpetólogo César Ayres, o galego que integrou o equipo británico-español que está a estudar os patóxenos "ranavirus" que afectan á península ibérica.

Este científico galego foi quen achegou as primeiras mostras ao Museo Nacional de Ciencias Naturales (MNCN-CSIC) en 2010 e dende entón, encárgase de xeito voluntario e altruista, de seguir periodicamente a evolución do patóxeno no encoro pontevedrés de Pontillón de Castro.

Ratifica que estes virus están a extinguir poboacións enteiras de anfibios. Sen embargo, salienta que Galicia non conta aínda con protocolos nin medidas de prevención por parte da Xunta, a pesar de que a administración coñece da súa existencia dende 2010.

Dous virus detectados no norte de España están a causar a morte masiva de varias especies de anfibios, algúns deles catalogados como ameazados e a piques da extinción.

O problema detectado no ano 2005 no Parque Nacional de Picos de Europa acaba de ser localizado por un grupo de investigadores españois e británicos no Encoro de Pontillón de Castro, en Pontevedra, segundo da conta este venres o portal científico Materia. 

Seguramente nun deses paseos pola praia de Lourido, Panxón, ou Ladeira, topaches na area con restos destes ovos parecidos a unha vacaloura.

Realmente son os restos dos ovos das raias ou mesmo de quenllas ou tiburóns, xa que comparten parentesco con estes últimos.