A programación da Mostra de Teatro de Outono do concello de Gondomar continúa esta fin de semana coa representación de Kamouraska, a cargo da compañía pontevedresa Inversa Teatro. A obra será o sábado, ás 22.00, no Auditorio Municipal Lois Tobío.

Mañá sábado, día 27, a partir das 18:30, celebrarase un magosto popular na Praza do Concello de Baiona. Haberá degustación de castañas e viño. Outro dos alicientes deste acto, aberto á participación veciñal, Javier Urquijo "Os Segredos" ofrecerá un concerto acústico.

O mago compostelán Xacobe Sanz actuará este sábado 27 en Gondomar, dentro da II Mostra de Maxia, organizada pola Concellería de Cultura. “Ilusións Máxicas”, o nome do seu espectáculo, combina toda a fantasía da maxia coa frescura da improvisación teatral. Trátase dun espectáculo humorístico de intriga, evasións, adiviñanzas, revelacións e algunha que outra levitación. A interacción co público é un dos puntos fortes da súa proposta. A combinación des distintas vertentes da maxia dá coma resultado un espectáculo ideal para toda a familia.

A Concellería de Igualdade do Concello de Gondomar, en conmemoración do Día Internacional para a Eliminación da Violencia de Xénero, proxectará a película “Antonia” de Marleen Gorris, premiada co Oscar á mellor película estranxeira no ano 1996, o día 26 de novembro ás 20.00 horas, na Casa da Cultura. O remate da proxección haberá un coloquio.