Axenda
O vindeiro domingo 20 de marzo, as asociacións S.O.S. Groba, Instituto de Estudos Miñoranos e Verdegaia organizarán un novo roteiro do programa de roteiros mensuais de Verdegaia "Vai de roteiros!" pola Serra da Groba, a serra mareira máis meridional da Galiza. O grupo partirá coa intención de amosar as particulares características faunísticas, florísticas, xeolóxicas, arqueolóxicas, etnográficas e a singular beleza deste espazo natural ó mesmo tempo que analizarán as agresións e ameazas que padece. A saída será as 9:45 h. da estación de autobuses de Vigo ou ás 11 h. da porta do Parador de Baiona dende onde se subirá en coches particulares á parte alta da serra. O roteiro durará todo o día, polo que se recomenda levar auga, comida e algo de conversa. É imprescindible a inscrición previa.Axenda do Val Miñor
Andaina pola Serra da Groba con Verdegais, o IEM e mais SOS Groba.
O vindeiro domingo 20 de marzo, as asociacións S.O.S. Groba, Instituto de Estudos Miñoranos e Verdegaia organizarán un novo roteiro do programa de roteiros mensuais de Verdegaia "Vai de roteiros!" pola Serra da Groba, a serra mareira máis meridional da Galiza. O grupo partirá coa intención de amosar as particulares características faunísticas, florísticas, xeolóxicas, arqueolóxicas, etnográficas e a singular beleza deste espazo natural ó mesmo tempo que analizarán as agresións e ameazas que padece. A saída será as 9:45 h. da estación de autobuses de Vigo ou ás 11 h. da porta do Parador de Baiona dende onde se subirá en coches particulares á parte alta da serra. O roteiro durará todo o día, polo que se recomenda levar auga, comida e algo de conversa. É imprescindible a inscrición previa.O pintor Vítor Mejuto inaugura a súa mostra "My Favorite Thigs" na sede do IEM.
O próximo venres 18 de marzo ás 20:30h na AULA DE CULTURA "PONTE DE ROSAS" (Avda. Campo da Feira, 10, baixo, Gondomar), sede do Instituto de Estudos Miñoranos inaugurarase a exposición "My Favorite Things" do pintor Vítor Mejuto. No acto inaugural intervirá o crítico de arte Severino Penelas.
Tanxarina representará “Trogloditas”, a súa última produción, o sábado no Auditorio Lois Tobío
Comeza a Mostra de Mazo de teatro, organizada pola Concellería de Cultura de Gondomar. O espectáculo dará comezo ás 18.00 horas no Auditorio Municipal Lois Tobío. As entradas teñen un prezo de 2.5 euros. A compañía redondelana Tanxarina será a encargada de abrir a Mostra de Marzo da Concellería de Cultura de Gondomar con “Trogloditas”, o seu último espectáculo. A función será o sábado 19, Día do Pai, no Auditorio Municipal Lois Tobío. O ciclo de teatro desenvolverase durante todo o mes e conta coa colaboración da Agadic, a Axencia Galega das Industrias Culturais da Xunta de Galicia.
Alfonso Álvarez Cáccamo falará no marco das actividades do Día das Letras Galegas en Nigrán.
Este xoves 17 de marzo dende as 19,00 horas no Centro da 3ª Idade de A Ramallosa (a vella estación do Tranvía), Alfonso Álvarez Cáccamo falará do seu libro “O Eco de Ramallón” (nacida da unión dos nomes de Ramallosa e Mallón). O faladoiro forma parte do conxunto de actos literarios e artísticos que o Concello de Nigrán está a desenvolver como preparación da celebración do Día das Letras Galegas.
Mañá comeza o ciclo de cine "Lois Tobío na República de Weimar" co film O Anxo Azul .
O Instituto de Estudos Miñoranos e a Fundación Vicente Risco, coa colaboración do Goethe Institut, o Ourense Film Festival e a Universidade de Vigo, organizan o ciclo de cinema "LOIS TOBÍO NA REPÚBLICA DE WEIMAR". As películas en Versión Orixinal con subtítulos en galego serán proxectadas na Aula de Cultura Ponte de Rosas (Avda. da Feira 10, baixo, Gondomar) sede do Instituto de Estudos Miñoranos, segundo o seguinte calendario:
JPAGE_CURRENT_OF_TOTAL
