Este mércores 13 ás 18:30 horas a Casa da Lectura (Donas) recibirá a visita de Eva, Noa e Anahí, tres rapazas do Comando Le (Espazo Lectura) que van facer unha sesión de dinamización lectora para os máis pequenos arredor do tema que están a traballar este trimestre: os Dereitos Humanos.
A sesión, que leva por título "Somos iguais, somos diferentes", xirará arredor de tres contos: Unha parella diferente, Raro eu? e Por catro esquiniñas de nada. A partir deles falarase da diversidade como unha riqueza e da importancia que teñen as linguas como mostra desa pluralidade. No peche da sesión terán lugar xogos didácticos sobre o tema do encontro.
