Venres, 29 Mar. 2024

Actualizado10:50:26 PM GMT

Estás en Canais Axenda Espazo Lectura rende homenaxe ao poeta Celso Emilio cun recitado público no Café Rañolas de Gondomar.

Espazo Lectura rende homenaxe ao poeta Celso Emilio cun recitado público no Café Rañolas de Gondomar.

Correo-e Imprimir PDF
cartaz recitando_celso_emil

A Asociación Espazo Lectura convida aos veciños a participar do acto colectivo RecitandocelsoemiliO, que terá lugar este mércores 12 de decembro ás 12 horas no Café Rañolas de Gondomar. A actividade consistirá nun recitado público do poema Deitado fronte ao mar, do escritor Celso Emilio Ferreiro, no centenario do seu nacemento.

 

A actividade forma parte dunha homenaxe nacional que se está a desenvolver neste caso dende a Coordinadora Galega de Equipos de Normalización e Dinamización Lingüística (CGENDL), e que terá este mércores unha lectura simultánea do devandito poema en centros de ensino, concellos e asociacións culturais de toda Galicia. A actividade tamén coincide con 50 aniversario do libro Longa noite de pedra, onde o poema foi editado por primeira vez.

 Vídeo promocional da campaña RecitandocelsoemiliO

Dim lights Embed Embed this video on your site

Ao cumprirse o centenario do nacemento do poeta celanovés Celso Emilio Ferreiro a CGENDL, así como os colectivos que participan da campaña, queren render unha homenaxe pública cunha acción de carácter colectivo "que simbolice toda a forza e enerxía que transmite a súa palabra, símbolo permanente de valores de solidariedade e xustiza universais, pero tamén de compromiso cívico coa cultura e lingua de Galicia".