Sábado, 31 Oct. 2020

Actualizado03:05:36 PM GMT

Estás en Canais Cultura

Cultura

Os faladoiros do IEM: “Gómez Román: arquitecto e galeguista”. Venres 17 e 24 de abril.

Correo-e Imprimir PDF

900-gomez-roman1A obra e traxectoria do arquitecto Manuel Gómez Román (1875-1964) vertebrará un ciclo de faladoiros organizado polo IEM baixo o título "Gómez Román, arquitecto e galeguista". A primeira conferencia "Manuel Gómez Román. A procura dunha arquitectura do lugar", estará a cargo do historiador Xosé Ramón Iglesias Veiga, membro do Instituto de Estudos Vigueses. Será este venres 17 de abril ás 20:30 horas na Aula de Cultura Ponte de Rosas (Avda. da Feira, 10, baixo, Gondomar), e contará cunha presentación da arquitecta e membro do IEM, Rosa Mouriño.

A escola GALICIA EN DANZA representará a España na fase final da Dance World Cup 2015 en Bucarest.

Correo-e Imprimir PDF

emotionheaderO galardón chega trala obtención dunha medalla de ouro, dúas de pratas e tres de bronce nas eliminatorias disputadas en Barcelona durante a Semana Santa.

A escola de baile "GALICIA EN DANZA" de Baiona formará parte da Selección Española que participará na fase final mundial da DANCE WORLD CUP 2015 que terá lugar en Bucarest (Romanía) na derradeira semana do vindeiro mes de xuño.

Tres horas de rádio para conmemorar os 20 anos de Ponte...nas ondas

Correo-e Imprimir PDF

Este 27 de marzo Ponte...nas ondas! conmemora os 20 anos do seu nacemento no mesmo escenario, na Casa da Cultura de Salvaterra de Miño, co descubrimento dunha placa conmemorativa e cun programa de radio especial, retransmitido pola Radio Galega e por esta Web en streaming,  con colaboradores e participantes na experiencia ao longo destas dúas décadas nas que o proxecto conseguiu editar varias publicacións, presentar unha candidatura ante a UNESCO e sumar múltiples premios como o ONDAS acadado en 2014 á "mellor cobertura informativa" do patrimonio inmaterial galego-portugués.

Presentación do libro “Daquí e dacolá. Follas voadeiras 2001 – 2014”, de Carlos Méixome Quinteiro

Correo-e Imprimir PDF

2capa-libro-carlosOs relatos, artigos e reflexións que durante máis dunha década deste século XXI publicou o historiador e director do IEM, Carlos Méixome Quinteiro,  en diversos medios do país chegan agora reunidos nun único exemplar auto-editado:  Daquí e dacolá. Follas voadeiras 2001 – 2014. Obra escrita por un “galego sen complexos”, en palabras de Antonio Araújo Quintas (prologuista) que reflicte o exercicio do dereito “a explicar o Mundo dende aquí”, e sen o medo a “se contaminar implicándose como historiador nas cousas do mundo real”. Sentenza á que engade no prólogo que “Hoxe a maioría das súas hipóteses ou análises son realidades confirmadas e contrastadas pola vía dos feito”.

Daquí e dacolá. Follas voadeiras 2001 – 2014. será presentada o vindeiro venres 27 de marzo ás 20:30 horas na Aula de Cultura Ponte de Rosas (Avenida da Feira, Nº10, baixo, Gondomar), nun acto que  coordinará o subdirector do IEM,  Xosé Lois Vilar e contará coa presenza do ex alcalde de Gondomar, Antonio Araújo Quintas e do autor.

O fondo do Siñor Afranio cedido ao Instituto de Estudos Miñoranos pola familia Álvarez Cáccamo.

Correo-e Imprimir PDF

600px-sinor-afranioA familia Álvarez Cáccamo cedeu ao Instituto de Estudos Miñoranos unha serie de documentos orixinais relativos á figura do Siñor Afranio. Personaxe creado polo parlamentario republicano e presidente do Consello de Galicia, Antón Alonso Ríos, ca fin de eludir a represión franquista tralo alzamento de 1936. A sinatura do convenio que rexerá a custodia e divulgación do fondo tivo lugar este mércores 18 de marzo na Aula de Cultura Ponte de Rosas por parte de Alfonso Álvarez Cáccamo, en representación da familia e Carlos Méixome polo IEM.

As crebas do Cabo Silleiro contan novas lendas na Aula de Cultura Ponte de Rosas.

Correo-e Imprimir PDF

550mascara-crebas

Aínda que non é requisito para expoñer na Aula de Cultura Ponte de Rosas, a obra de Alejandra Sampedro ten un vencello co Val Miñor: as crebas do mar que fan de materia prima das esculturas expostas na sala, foron recollidas nos areais do Cabo Silleiro. Súmase a esta información o feito que o avó da artista, Alejandro Sampedro foi fareiro neste lugar hai 50 anos. Con estas achegas, Fino Lorenzo abriu a rolda de intervencións que continuou co fotógrafo Santi Vega e a artista, e que deron por inaugurado "Mar de Crebas", a nova mostra que estará aberta ao público en Gondomar até o vindeiro 8 de maio.

200 linguas e dialectos europeos, en perigo de extinción

Correo-e Imprimir PDF

costa linguasO profesor Xosé Henrique Costas critica a "narcotización" do galego que só goza de "oficialidade no no papel, pero que logo non se transforma na realidade".

"Unha lingua morre cando se extingue a comunidade que a fala ou cando esta deixa de falala". É o que pensa o profesor do Departamento de Filoloxía Galega e Latina da Universidade Xosé Henrique Costas, que alertou do perigo de desaparición que corren en Europa preto de 200 linguas e dialectos.

"Están morrendo de inanición", dixo nunha conferencia que foi organizada pola Comisión PEA-Unesco na Universidade de Vigo con motivo da recente conmemoración do Día Internacional da Lingua Materna. Uha situación na que, dixo, ten que ver moito o "lingüicidio", a ocultación dunha fala, fronte o "ecolingüismo", fomentar de que cada lingua "poida vivir con normalidade no seu propio hábitat".

AMEGA denuncia a exclusión de medios en galego das axudas institucionais

Correo-e Imprimir PDF

PSdeG, AGE e BNG apoian unha proposta de Lei de Publicidade Institucional desta asociación para prohibir os convenios pola súa evidente arbitrariedade e que se reserve unha parte do orzamento das campañas publicitarias para medios en galego.

Os medios membros da Asociación de Medios en Galego (AMEGA) denuncian a desidia da Xunta para coa defensa do uso do galego no eido da comunicación ante a pasividade das administracións públicas. Son varias as situacións nas que a entidade, que defende, ante todo, o uso do noso idioma nos medios de comunicación, viuse atacada polas decisións da Xunta de Galicia.

O libro “Desenvolvendo o nobelo” abre unha nova iniciativa editorial do IEM.

Correo-e Imprimir PDF

Desenvolvendo o nobeloO libro ten unha compoñente moi entrañable, pois recolle os traballos, feitos con dedicación e cariño, dun grupo de persoas adultas que se decidiron  mellorar a súa capacidade para a creación de textos literarios da man da poeta Marta Dacosta e expoñen nel a súa obra chea de sensibilidade que acada en moitos casos cotas de calidade propias de escritores con maior dedicación. Titúlase Desenvolvendo o nobelo, título que fai mención  a unha imaxe creada por Marta Dacosta:

Escribir é...

atopar a punta do fío axeitado e tirar del até desfacer o nobelo.

Despregar diante de nós esa sucesión de palabras que constrúe o edificio do texto e abriga as ideas. 

JPAGE_CURRENT_OF_TOTAL