Venres, 29 Mar. 2024

Actualizado10:50:26 PM GMT

Estás en Canais Axenda

Axenda

“Diario de un camino” o documental dunha peregrinación especial a Santiago se proxecta en Nigrán.

Correo-e Imprimir PDF

diario camino filmO auditorio de Nigrán acolle o venres ás 20.30 horas a proxección do documental "Diario de un camino"

O filme narra como unha parella con diversidade funcional realiza o Camiño de Santiago dende Roncesvalles coa axuda do policia local Javier Pitillas

O Auditorio Municipal do Concello de Nigrán acolle este venres 17 ás 20.30 horas a proxección do documental 'Diario de un Camino", audiovisual que narra a peregrinación ata Santiago dunha parella con diversidade funcional acompañada polo policía local de Vigo Javier Pitillas. Ata agora, a peza so se proxectou en Vigo e Ourense e na súa estrea en Nigrán contará coa presenza de Pitillas (Premio ao Mérito Civil, Vigués Distinguido, Medalla Castelao e cabeza visible de DisCamino, proxecto que naceu precisamente para axudar a estas persoas a peregrinar a Santiago).

Charla informativa na AVV de Monteferro sobre os perigos dos herbicidas.

Correo-e Imprimir PDF

O Comando Ghichas segue adiante coa campaña de concienciación veciñal sobre o uso de herbicidas. Este sábado día 7, ás 19:00 organiza a terceira charla, impartida de novo polo Doutor en Bioloxía Cesar Lema. Nesta ocasión será na Asociación de Veciños de Monteferro (Praza Mestra Dona Manuela 4. Porqueira-Panxón).

Espazo Lectura celebra o IX «Dar de ler coma quen dá de beber», na Semana do Libro e a Lectura en Gondomar

Correo-e Imprimir PDF

00 Dar de ler CabeceiraO sábado 23 de abril, Día do Libro, entre as 12:00 e as 14:00 horas, Espazo Lectura celebra por noveno ano consecutivo o Dar de ler coma quen dá de beber, inserido dentro da programación da Semana do Libro e a Lectura 2016. Mantense así a proposta anual de ler e compartir lecturas nun espazo público arredor do Día do Libro. Dende a asociación animan a acudir ao Café Keik (rúa das Ánimas 10, Gondomar), e sentar a escoitar os textos que se van ler.
Dar de ler coma quen dá de beber é unha actividade que toma o seu nome dunha frase do escritor Álvaro Cunqueiro e que Espazo Lectura celebra anualmente arredor do Día Internacional do Libro (23 de abril). Consiste nunha lectura de textos, colectiva e en voz alta, que se realiza nalgún espazo público e na que participan arredor de 30 persoas, que len os textos elixidos por elas mesmas, co ánimo de sensibilizar a cidadanía sobre a importancia da lectura. Trátase dunha actividade itinerante, que busca levar a lectura a lugares nos cales habitualmente non está presente, apostando por abrir espazos e tempos para a lectura e por facer desta un lugar de encontro.

Presentación de “As últimas galerías” de Pepe Cáccamo en Gondomar

Correo-e Imprimir PDF

libro-caccamoA libraría LIBRAIDA convídao a presentación do libro "As últimas galerías" (Editorial Galaxia), de Xosé María Álvarez Cáccamo . O acto celebrarase o martes, 29 de marzo ás 20:30 na libraría. Presenta o profesor Carlos Meixome
Contarase coa presenza do autor. A obra foi finalista do Premio Arcebispo San Clemente 2016.

O Entroido de Nigrán queda aprazado para o venres 19 de febreiro.

Correo-e Imprimir PDF

O Concello de Nigrán veuse na obriga de pospoñer de novo o desfile de Entroido ata o vindeiro venres 19 de febreiro por mor das malas condicións meteorolóxicas. Como novidade, a celebración realizarase pola noite, a partir das 21.30 horas, e á programación inicial engádese un peche de festa na praza do consistorio amenizado por un grupo musical.

O profesor Antonio Piñeiro conducirá un seminario sobre a vida de Xesús en Sabarís.

Correo-e Imprimir PDF

800px-AntonioPineroO catedrático especializado en lingua e literatura do cristianismo primitivo, Antonio Piñeiro dará inicio este luns 8 de febreiro un seminario que levará por título "Investigación sobre Xesús" . Transcorrerá de 18 a 19:30 horas no Mercado Tia Ni (Julián Valverde 36, Sabaris-Baiona).

O ciclo estará orientado a todo o publico interesado nas orixes do cristianismo na figura de Jesús de Nazaret e a súa repercusión cultural na formación do Novo Testamento nunha linguaxe sinxela e claro con posibilidade de preguntas e respostas ao final de cada sesión.

Antón Riveiro Coello presentará “Os elefantes de Sokúrov” na libraría Libraida de Gondomar.

Correo-e Imprimir PDF

Antón Riveiro CoelloO libro gañador do Premio Fervenzas Literarias 2015 ao Mellor Libro de Narrativa será presentado polo autor na Libraría Libraida. Contará cunha introdución a cargo do historiador Carlos Méixome Quinteiro. O acto celebrarase este xoves, 11 de febreiro ás 20:30 na libraría. Ao finalizar, o escritor asinará exemplares aos lectores.

O Concello de Nigrán organiza un obradoiro gratuíto de elaboración de galletas decoradas con fondant.

Correo-e Imprimir PDF

galletas-fondant-corazonesA concellería de Cultura, Turismo, Igualdade e Xuventude do Concello de Nigrán organiza o vindeiro Mércores día 10 de Febreiro un obradoiro de galletas decoradas con fondant e motivos de San Valentín.

O lugar de realización será no restaurante Queimada, en Parada, e terá unha duración de 2 horas. Os alumnos aprenderán técnicas de manexo e moldeado de Fondant, de preparación da masa das galletas, e de decoración e de empaquetado das mesmas.

“TRAVESEO. PRAGMATISMO” Exposición de ALFONSO SOLIÑO TRONCOSO no IEM.

Correo-e Imprimir PDF

O vindeiro venres 29 de xaneiro, ás 8:30 da tarde, na Aula de Cultura Ponte de Rosas, sede do Instituto de Estudos Miñoráns (IEM) –n.º 10, baixo, da Avda. da Feira, en Gondomar-, nun acto aberto a quen desexe asistir, Alfonso Soliño Troncoso inaugura unha exposición de escultura e pintura que recolle o resultado das súas investigacións espaciais e obxectuais dos últimos dous anos, aínda ben se incorporen algunhas pezas anteriores.

JPAGE_CURRENT_OF_TOTAL