Axenda
Continúan as Xeiras 2015 que organiza o Instituto de Estudos Miñoranos. Esta venres 14 de agosto, coa colaboración da Agrupación Astronómica Rías Baixas, para unha "Noite de estrelas e lobos" na Chan da Lagoa na Serra da Groba (Baiona). O punto de encontro será no merendeiro de Chan da Lagoa ás 20 horas. Non é necesaria a inscrición previa.
A andaina dará comezo ás últimas horas da tarde e as primeiras da noite polos cumios da Serra da Groba, unha das principais barreiras orográficas máis altas de Galicia á beira do mar. Faranse paradas en tres sitios distintos. Dende A Poza Negra rumbo A Chan da Gabiñeira e dende O Alto do Campo de Lobo se mirará A Boca da Groba onde falarase de hidronimia e lindeiros administrativos.
O Concello de Nigrán programa dende mañá venres ao domingo a quinta edición do festival Novo Circo con catro actuacións en diferentes ubicacións. Pallasos, acróbatas, trapecistas e malabaristas de recoñecido prestixio se darán cita no municipio nunha primeira representación o venres ás 20,30 horas no paseo de Panxón, o sábado con dobre sesión en Panxón (20,30) e na Praza do Concello (23,00 horas) e, finalmente, o domingo en Praia América (xunto a escola de vela). Trátase dun espectáculo familiar e para disfrutar de xeito distendido, por iso se recomenda aos asistentes acudir con coxíns ou toallas para sentarse directamente no chan.
A Asociación Veciñal Castro e Ladeira organiza o vindeiro sábado 5 de setembro un festival solidario co Banco de Alimentos de Vigo. O acto terá lugar no Mercado de Sabarís e constará dun espectáculo coa participación do Payaso Popin e a seguir o grupo Algarada.
O Concello de Nigrán organiza este xoves unha ruta por Chandebrito con título 'Cóntame un contiño', con saída ás 18.30 horas dende o Torreiro das festas da parroquia. Tamén haberá caravana dende a porta do Concello Nigrán. Trátase dunha ruta circular de 6 km e dificultade baixa cunha duración estimada de 2,5 horas.
Ao abeiro da exposición "Olladas do mar", na Galería Sargadelos de Baiona, a Editorial Belagua e a escritora Isabel Blanco-Rivas organizan un festival poético baseado na súa obra Verbas cum, ilustrado por Irene Silva.
Orquestra Norcorea, Contracorrente, Millo e Kalambrazo son as bandas que participarán da edición 2015 do Torreiro Rock. Esta xuntanza rockera que vai pola súa cuarta edición, terá lugar este venres a partir 23:30 horas, no torreiro da parroquia de Priegue.
A colorida baixada de carrilanas terá a súa oitava edición o vindeiro sábado 15 de agosto.
O Concello de Nigrán amplía este mes de agosto a actividade de zumba en Praia América (en Lourido, xunto á escola de vela) a cinco días a semana, de luns a venres. Os horarios son: luns e mércores ás 13.00 horas e martes, xoves e venres ás 19.00 horas.
O Concello de Nigrán organiza esta este domingo ás 21.30 horas en Chandebrito unha actuación do monologuista Xan Veiga, famoso polas súas intervencións no programa Luar. Con un humor 100% galego e un estilo inconfundible, Xan Veiga fará rir a toda a familia.
